ISAIAH 40:10 - Lai (Hakha) Common Language Bible 2006

¹⁰ Bawipa nih ṭhawnnak in a uk hna lai i a khamhmi kha aa ratpi hna lai.

ISAIAH 40:10 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

SALM 110:6

Miphun kha an bia a ceih hna lai i raltuknak hmun kha miruak in a khahter lai; vawlei cung dihlak ah siangpahrang kha a tei hna lai.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

ISAIAH 59:15

Biatak chim kha a tlawm tuk hringhran caah ṭhat lonak tuah a duh lomi cu, mihrut ah rel an si,” an ti. Bawipa nih hihi a hmuh dih i dinnak a um lo caah a thin a hung.

ISAIAH 59:16

Hremmi hna a bawmtu ding pakhat hmanh an um lo kha a hmuh tikah a awlok a chong. Cucaah anmah khamhnak ah cun amah ṭhawnnak kha a hman lai i a tei hna lai.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

ISAIAH 62:11

“Jerusalem khuami cu chim hna u law, Bawipa nan khamhtu cu a ra lio i a tlanhmi a mi kha a rak i ratpi hna, tiah vawleicung dihlak ah Bawipa nih a thanh i cucu miphun vialte nih an hngalh nakhnga hmelchunhnak pakhat in tar tuah u,” a ti tiah va ti hna u.

ISAIAH 63:5

Khua ka cuan, sihmanhsehlaw bawmtu ahohmanh an um lo; mithram cat in ka zoh, sihmanhsehlaw a ka bawmtu ahohmanh an um lo;

JEREMIAH 31:16

Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.