ISAIAH 39:3 - Lai (Hakha) Common Language Bible 2006

³ Khi tikah profet Isaiah cu Siangpahrang Hezekiah sinah khan a va kal i, “Hi mi hna hi khuazei in dah an rat i zeidah an in chimh?” tiah a va hal. Hezekiah nih cun, “Ram hlapi, Babilon ram in an ra,” tiah a leh.

ISAIAH 39:3 ပူးပေါင်းရင်းမြစ်များ

2 SAMUEL 12:1

Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si.

2 CHANRELNAK 16:7

Cu caan ah cun hmutu Hanani kha Judah siangpahrang Asa sinah cun a ra i, “Siria siangpahrang cu naa bochan i Bawipa na Pathian cu naa bochan lo caah, Siria siangpahrang ralkapbu cu na chuahter cang hna.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 25:15

Cucaah Amaziah cungah Bawipa cu a thin a hung i profet pakhat a hei thlah i amah nih cun, “Zeicadah anmah an mi hmanh na kut chungin a chuahter kho lotu pathian, miphun dang hna pathian cu na fuhpanh hna?” tiah a ti.

ISAIAH 38:1

Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “Bawipa nih, ‘zeizong vialte kha ningcang tein chia dih seh, zeicahtiah a dam ṭhan ti lai lo,’ a ti. Cucaah cun thih awkah i tim ko,” tiah a va ti.

ISAIAH 38:5

Hezekiah sinah khan va kal law, “Na pu David i a Pathian Bawipa keimah nih na thlacamnak kha ka theih i na mitthli kha ka hmuh, kum hleinga kan nunter rih lai.

ISAIAH 39:4

“Siangpahrang inn chungah zeidah an zoh?” a ti. “Zeizong vialte an zoh dih ko, thil chiahnak inn chung thil ka hmuhsak lomi hna zeihmanh a um lo,” tiah a leh.

JEREMIAH 4:16

Mah thil vialte hi miphun kha thanh hna u, Jerusalem rawknak kha thanh u: Ram hlat piin ral namtu kha an ra i Judah ram khua kha an auhnawh hna.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,

JOSHUA 9:6

Cun Gilgal riahhmun ah khan Joshua le Israel mi hna sinah an va kal i, “Ram hla piin a rami kan si, cucaah kanmah he biakamnak ser u,” tiah an ti.

JOSHUA 9:9

Annih nih, “Bawipa na Pathian min ruangah ram hlat piin na sal hna hi kan ra; zeitindah Izipt ram ah a tuahmi vialte le