ISAIAH 39:2 - Lai (Hakha) Common Language Bible 2006

² Hezekiah nih khan lamkaltu pawl cu ṭha tein a rak conglawmh hna i a chawva kha a hmuhsak hna — sui le ngun le zihmui le thil rimhmui le a ral hriamnam kha a hmuhsak hna. A thil chiahnak inn i a chiahmi si hna seh, a ram chung thil si hna seh, a hmuhsak lomi hna zeihmanh an um lo.

ISAIAH 39:2 ပူးပေါင်းရင်းမြစ်များ

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 10:15

mah hihi chawlet hna le chawdawr hna lam in le Arabia ram siangpahrang vialte hna le, cu ram uk bawi hna sinin a lutmi lengah a si.

1 SIANGPAHRANG 10:2

Jerusalem ah cun mizul tampi he, zihmui a phormi kalauk hna le sui tampi le lungvar hna he a ra i Solomon sinah a phak tikah a lung chung i a ummi vialte cu a chimh dih.

1 SIANGPAHRANG 10:25

Cun an dihlak khan kum khat ah cu zat cio ah tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.

2 SIANGPAHRANG 20:13

Cun Hezekiah nih a rak conglawmh hna i a ro inn vialte, ngun, sui, rimthawmi, a sungmi chiti, a ral hriamnam, a thil chiahnak inn hna chung i a ummi vialte kha a hmuhsak hna; a inn chung i a ummi siseh a ram chung i a ummi siseh, Hezekiah nih a hmuhsak lomi hna a um lo.

2 CHANRELNAK 32:25

Sihmanhsehlaw Hezekiah cu a lung in aa porhlawt caah a cung i ṭhathnemnak a tuahmi caah khan aa lawm lo. Cucaah amah le Judah le Jerusalem cungah thinhunnak a tlung.

2 CHANRELNAK 32:27

Hezekiah cu rumnak le upatnak tampi a ngei; cun ngun le sui le lung mansung le zihmui le phaw le a man a sungmi umkheng phun zakip caah chiahnak aa ser hna;

2 CHANRELNAK 32:31

Cucaah Babilon bawi hna nih, ram chung i tuahmi hmelchunhnak va hlathlai awk i a sinah an thlahmi lamkal hna kong ah khan, amah cu hneksak awk le a lung chung i a ummi vialte hngalhnak ah, Pathian nih amah tein a thlah ko.

2 CHANRELNAK 9:1

Siangpahrangnu Sheba nih Solomon minthannak kha a theih tikah, amah cu a harmi biahalnak in hneksak awkah Jerusalem ah a ra; mizul tampi, zihmui phormi kalauk hna le sui tampi le lung mansung tampi aa phorh hna. Solomon sin a phak tikah a lung chung i a ummi vialte cu a chim dih.

2 CHANRELNAK 9:9

Cun siangpahrang cu sui talen za khat le kul le zihmui tampi le lungvar man sung hna kha a pek: Siangpahrangnu Sheba nih Siangpahrang Solomon a pekmi zihmui bantuk cu a dang a um ti lo.

JOB 31:25

Ka chawva a tam caah le ka rumnak a karh caah kaa lawm i

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

1JOHAN 1:8

Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo.