ISAIAH 38:12 - Lai (Hakha) Common Language Bible 2006

¹² Ka nunnak cu a cat i a dong, ṭhehmi thlam bantuk le thiamruak la cat bantuk a si. Pathian nih ka nunnak cu a donghter rua lai tiah ka ruah.

ISAIAH 38:12 ပူးပေါင်းရင်းမြစ်များ

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

JOB 17:1

“Ka lungthin cu a kuai cang, ka ni cu rel an si cang; Thlan nih a ka hngah ko cang.

JOB 4:20

Zinglei le zanlei karlak ah an rawk dih; Ahohmanh i theihhngalh set loin an lo lan.

JOB 6:9

Pathian nih hei ka rial cikcek dih seh law, A kut kha hei samh seh law hei ka lek ko seh law, ka hei duh hnga dah!

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 119:23

Uktu bawi hna nih khan, keimah hrawhnak khua cu khang ṭi lengmang hna hmanh seh law, kei na sal cu na nawlbia tu kha ka ruat camcin ko lai.

SALM 31:22

ka thin a phang i na sinah umter ti loin na ka dawi cang rua tiah ka ruah. Sihmanhsehlaw nangmah sinah bawmhnak hal in ka au tikah ka aunak kha na rak theih.

SALM 73:14

Pathian, chun nitlak in harnak na ka inter i zing fate in dan na ka tat.

SALM 90:5

Tilian bantukin minung cu na fenh hna; zan mang bantuk men an si ko.

ISAIAH 1:8

Jerusalem lawng a tang, cu hmanh cu ral nih an kulh dih — mitsur lo chung lo hngaktu thlam bantuk ceo a si, zil lo chung deu bantuk ceo a si cang.

ISAIAH 13:20

Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

HEBRU 1:12

Angki bangin na bil hna lai i puan bangin an i thleng dih lai. Sihmanhsehlaw nang cu a zungzal in nangmah ningte na si ko i na tar bal lo,” tiah a ti rih fawn.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.