ISAIAH 38:10 - Lai (Hakha) Common Language Bible 2006

¹⁰ Ka nunnak hi chantling tein nun thlu loin Ka chan lailing ah mithi khua ah ka kal rua lai tiah ka rak ruah.

ISAIAH 38:10 ပူးပေါင်းရင်းမြစ်များ

JOB 6:11

Hngah rih khawhnak ding caah thazang ka ngei ti hnga maw? Zei donghnak i ruahchan in dah lungsau in ka um rih hnga?

JOB 7:7

“Ka nunnak cu thaw menmen a si kha hngal camcin ko; Ka mit nih hin ṭhatnak zeihmanh a hmu ṭhan ti lai lo.

SALM 102:24

Ka Pathian, atu cu ka la rih hlah, ka tar hlanah cun ka la rih hlah! Bawipa, nang cu zungzal in a ummi na si,

SALM 102:25

hlanpi ah vawlei cu na rak ser cang, Nangmah nih na kut hrimhrim in van khi na ser hna.

SALM 107:18

rawl kha a mui hmuh hmanh an duh lo i an thi dengmang.

SALM 31:23

Nannih a mithiang vialte hna, Bawipa cu daw ko u! Bawipa nih zumhawktlakmi cu a huhphenh hna, sihmanhsehlaw miporhlaw cu fak piin dan a tat hna.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

ISAIAH 38:1

Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “Bawipa nih, ‘zeizong vialte kha ningcang tein chia dih seh, zeicahtiah a dam ṭhan ti lai lo,’ a ti. Cucaah cun thih awkah i tim ko,” tiah a va ti.

ISAIAH 38:9

Hezekiah cu a zawtnak khan a dam ṭhan i hi thangṭhatnak hla hi a phuah:

JONAH 2:6

Tlang hna kehram hrimhrim kha ka vung phan, A kutka aa hrenh zungzalmi ram kha ka vung phan; Sihmanhsehlaw Maw Bawipa, ka Pathian, a thukmi hmun chung khan nangmah nih na ka chuah.

2 KORIN 1:9

Kannih cu thi dingin biakhiah kan si ko cang tiin kan i ruah. Asinain hi ti thil a rak um cu kanmah le kanmah kha i bochan loin, mithi a thawhtertu Pathian kha kan i bochan deuhnak hnga caah a rak si.