ISAIAH 37:7 - Lai (Hakha) Common Language Bible 2006

⁷ Bawipa nih an siangpahrang cu bia chawkvai pakhat a theihter lai i cu bia chawkvai nih cun a ram ah a kirter lai; cun cuka ah cun mi kha amah cu a thahter hna lai,” a ti.

ISAIAH 37:7 ပူးပေါင်းရင်းမြစ်များ

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

JOB 15:21

Ṭihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

JOB 4:9

Pathian thaw in an rawk i A thinhunnak in a chem hna thawngin an kang dih.

SALM 58:9

An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 37:9

Izipt ralkapbu Ethiopia siangpahrang Tirhakah nih a hruimi hna kha Assiria ralkap doh awkah cun an i thawh cang ti kha Assiria mi nih cun an theih. Cu bia cu Assiria siangpahrang nih khan a theih tikah Judah siangpahrang Hezekiah kha ca a kuat i,