ISAIAH 37:4 - Lai (Hakha) Common Language Bible 2006

⁴ Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 37:4 ပူးပေါင်းရင်းမြစ်များ

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

2 CHANRELNAK 28:19

Bawipa nih Israel siangpahrang Ahaz thawngin Judah cu a ṭumchukter, zeicahtiah Judah ram chungah khan thlahthlam in a um i Bawipa sinah khan zumhawktlak in a nung lo.

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

ISAIAH 1:8

Jerusalem lawng a tang, cu hmanh cu ral nih an kulh dih — mitsur lo chung lo hngaktu thlam bantuk ceo a si, zil lo chung deu bantuk ceo a si cang.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 36:13

Cun a dir i Hebru holh in fak piin a au i, “Assiria siangpahrang nih an chimhmi hna hi ngai tuah u.

ISAIAH 36:18

Bawipa nih a kan khamh lai, ti in Hezekiah kha i hlenter hlah u. Ram dang pathian hna nih tah an ram cu Assiria siangpahrang kut cun an khamh kho hna maw?

ISAIAH 36:20

Hi ram pathian vialte hna nih hin an ram cu zeitik tal ah dah kan bawipa kut chungin an khamh khawh? Cu ti a si ko ṭung ahcun, zei nih dah, Bawipa nih Jerusalem khua cu a khamh lai, tiah an ruahter hna?” a ti.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

ISAIAH 37:31

Judah phun chungin a tangmi hna kha, vawlei chungah thuk piin hram a thla i thei a tlaimi thingkung bantukin an hninghno lai.

ISAIAH 37:32

Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 37:5

Isaiah nih Siangpahrang Hezekiah bia kha a theih tikah

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 46:3

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

DANIEL 2:18

Amah Daniel le annih le Babilon mifim hna kha thah an si nakhnga lo, vancung Pathian kha a zaangfahnak kan nawl awk a si, tiah a ti.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

AMOS 7:2

Ram chung i ram hring kha an ei dih dengmang tikah khin kaa thawh i, “Maw Bawipa Pathian, ngaithiam ko hna. Hi hnuah hin zeitindah Jakob cu a nun khawh ti lai? Zeihmanh a tuah khomi a si fawn lo,” tiah ka ti.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 7:8

Israel mi nih Samuel cu, “Filistin mi hna kut chungin a kan khamh nakhnga, kan ca i Bawipa kan Pathian sin i na aunak cu ngol hlah,” tiah an ti.