ISAIAH 37:30 - Lai (Hakha) Common Language Bible 2006

³⁰ Cun Isaiah nih khan Siangpahrang Hezekiah cu a thawh i, “Hmailei ah a tlung dingmi thil hmelchunhnak cu hihi a si lai. Tukum le kumvoi cu rawl a hlih nan i rinh lai, sihmanhsehlaw a kum thumnak ah cun anmahte in a khomi rawl lawng kha nan ei lai, sihmanhsehlaw cu kum a hun changtu kum ah cun rawl kha nan cin khawh lai i nan zun khawh lai, mitsur ruang kha nan zun khawh lai, mitsur ruang kha nan phun khawh hna lai i an thei kha nan ei khawh hna lai.

ISAIAH 37:30 ပူးပေါင်းရင်းမြစ်များ

2 SIANGPAHRANG 19:29

Cun Isaiah nih Siangpahrang Hezekiah cu, hihi nangmah caah hmelchunhnak a si lai, a ti: tukum le kumvoi cu rawl a hlih nan i rinh lai; asinain a kum thumnak ah cun rawl kha nan tuh lai, nan ṭuan lai; mitsur dum kha nan ser hna lai i an theitlai kha nan ei hna lai.

2 SIANGPAHRANG 20:9

Cun Isaiah nih, “Bawipa nih aa kam ciami cu a tuah lai i hmelchunhnak Bawipa sinin nangmah sinah a rami cu hihi a si: ni thladem hi hmailei ah maw kar hra a kal lai hnulei ah dah kar hra a kir lai?” tiah a ti.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

ISAIAH 38:7

Isaiah nih cun a leh i, “Bawipa nih a biakamnak cu a tuah lai ti hngalhnak caah hmelchunhnak pakhat an pek lai.

ISAIAH 65:21

Mi nih inn an i sak lai i an umnak hna lai, midang nih an hmankanh hna lai lo. Mitsur dum kha an i ser lai i a mitsur hang kha an din hna lai, midang nih an dinkanh hna lai lo. Thingkung bantukin ka mi cu an chan a sau lai. An ṭuanmi chungin an hmuhmi theitlai kha tlamtling tein an hman hna lai.

ISAIAH 7:11

“Bawipa na Pathian cu hmelchunhnak pakhat in hal tuah, a thuk lei ah mithi khua in a hung chuakmi hmelchunhnak tluk zong thuk ko seh, a sanlei ah vancung in a rung ṭummi tluk zongin sang ko seh, a ti.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

LEVITIKAS 25:11

Cu kum sawm nganak kum cu nan caah jubili a si lai; cu kum ah cun thlaici nan thla lai lo, amah tein a khomi zong kha nan ṭuan lai lo, nan ser siam lomi mitsur ruang mitsur thei zong kha nan pumkhawm lai lo.