ISAIAH 34:3 - Lai (Hakha) Common Language Bible 2006

³ An ruak kha an vui hna lai lo, cuka ah cun an ril liangluang ko lai i an thu thluahmah ko lai; cun tlang cu thisen nih a ciah in a ciah dih lai.

ISAIAH 34:3 ပူးပေါင်းရင်းမြစ်များ

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 34:7

Mi cu cawtum hrang le cawtum no bantukin an thi lai i vawlei cu thisen nih a ciah in a ciah lai i thau nih a khuh lai.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

JEREMIAH 22:19

Laa vui bantukin amah cu vui a si lai i Jerusalem kutka lengah khan an hnuh lai i an hlonh lai.”

JEREMIAH 25:33

Cun cu ni ah cun Bawipa nih a thahmi hna cu vawlei khattelei kam in khattelei kam tiang hmunthur bantukin an ril liangluang ko lai. Ahohmanh nih an ṭah hna lai lo, a pumh zong an pum hna lai lo, a vui zong an vui hna lai lo.

EZEKIEL 14:19

Asiloah, minung le saṭil kha hrawh awkah, cu ram chungah cun rai tlunter ning law, ka thinhunnak cu thisen in bung ning law,

EZEKIEL 32:4

Vawlei ah khan kan hlonh lai i lei car ah khan kan tengh lai. Van i a zuangmi va vialte kha na cungah ka futter hna lai i ram sa nih na sa cu an i serh lai.

EZEKIEL 35:6

Cucaah ka nun bangin ka chim, Thisen chuahnak cu na donghnak ah ka ser lai i Thisen chuahnak in na sual caah Thisen chuahnak nih cun an dawi lai.

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

EZEKIEL 39:11

Khi ni ah Israel ram ah si loin Rili nichuahlei Abarim nelrawn ah Gog cu vuinak hmun kha ka pek lai. Khika ah Gog le a ralkap vialte kha an vui hna lai i Abarim nelrawn vialte cu ahohmanh lut loin kham a si lai; cu hmun cu Gog Ralkap hna Nelrawn tiah an ti lai.

EZEKIEL 39:4

Khika ah, Israel tlang cungah cun, nangmah le na ralkap vialte le nangmah sin i a ṭangmi vialte hna kha, nan thi dih lai; sa ei hmang va le ramlak sahrang hna rawl ah kan ser hna lai.

JOEL 2:20

Chaklei in a rami ṭihnung cu nan sinin lam hlapi ah ka ṭhial lai i a ro i a carmi ram ah ka dawi lai, An hmaisuang pawl cu Rili Thi ah ka thlak hna lai i an hnudawn pawl cu Mediterranean Rili ah ka paih hna lai, Cun an ruak cu a thu lai. Hi thil hi zeicahdah ka tuah ti ahcun, nanmah cung i an tuahmi ruangah khan a si.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

NAHUM 3:3

Rangleng hna cu an choi cukmak, rangcung ralkap hna nih cun an hun nam cutmat, An vainam cu a tleu in an tleu, an fei cu a cer in an cer! Mithi cu rel cawk an si lo, an ruak cu a pon in aa pong; a rel in rel cawk an si lo, mi nih ruak cu i pah lulhmalh an si ko.

BIAPHUAN 14:20

Mitsur thei cu khuapi leng i a ummi mitsur nennak ah khan an nen hna i mitsur nennak chung cun thisen a chuak i khan za hnih a luang i pe nga tluk a thuk.