ISAIAH 32:14 - Lai (Hakha) Common Language Bible 2006

¹⁴ Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

ISAIAH 32:14 ပူးပေါင်းရင်းမြစ်များ

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

2 CHANRELNAK 33:14

Cun a hnuah David khua lengah khan Gihon nitlaklei nelrawn ah, Nga Kutka luhnak tiangin vampang a ser i Ofel kha a kulhter i sangpi ah a cawi; cun Judah ram chung khua hna ah khan ralkapbu haotu a chiah fawn hna.

NEHEMIAH 3:26

Ofel i a ummi biakinn rian ṭuantu hna nih khan nichuahlei i Ti Kutka le a hung fongmi innsang zawn tiang kha an remh.

SALM 104:11

Ramlak saram kha ti din awk an pek hna i ramlak laa nih khan an tihal riam in an din hna;

ISAIAH 22:2

Khuapi cu a dihlak in aa tuai, thaw le ri he a khat i a hninh in aa hnin. Hi ral ah a thimi nan mi hna hi raltuk i a thimi an si lo.

ISAIAH 24:10

Khuapi chungah zeizong vialte hnahnawk in a um dih, inn kha khar an si dih i mi kha lengah chuah an si dih.

ISAIAH 24:12

Khuapi cu a rawk i a kutka cu an baoh dih hna.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

ISAIAH 27:10

Ralhau in kulhmi khuapi cu a rawk cang. Zeihmanh um lonak ramlak bantukin chuahtak a si cang. Caw tlonnak phong, ram an ṭam i an bawhnak hmun ah a cang cang.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 5:9

Cun Ralkapbu Bawipa nih a chimmi kha ka theih i, “Hi inn ngan pipi le inn ṭhaṭha hna hi an rawk dih lai.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

ISAIAH 7:23

“Cu caan a phak tikah, mitsur ruang ruang khat ah a man tangka thong khat a simi ruang, ruang thong khat an umnak lo ṭhaṭha hna kha an bua dih lai i hlingbur le hling le so lawnglawng an khat dih lai.

JEREMIAH 14:6

Ramber a um lo caah ramlak laa hna cu tlangpar hmunkawng ah khan an dir i Cenghngia bangin an lei an i chak i an thaw a ha i an mit a mui.

JEREMIAH 33:4

Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.

JEREMIAH 52:27

Babilon siangpahrang nih cun Hamath ram Riblah khua ah cun a tuk hna i a thah hna. Cuticun Judah cu a ram chungin sal ah kalpi a si.

JEREMIAH 6:5

Cucaah i tim u law zan ah tu u sih, A inn ṭhaṭha hna cu hrawk dih hna u sih.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

LUKA 21:20

Cun Jesuh nih cun, “Nannih nih Jerusalem khua kha ralkap i an kulh nan hmuh tikah a rauh hlanah a rawk cang lai ti kha hngalh u.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.