ISAIAH 32:11 - Lai (Hakha) Common Language Bible 2006

¹¹ Nunnuam zaang awl ngaiin khua nan sa i khuaruahharnak zeihmanh tong loin nan um; sihmanhsehlaw atu cu a ther in ther cang u. Nan puan kha i phoih dih u law nan tai ah puanchia i kaih u.

ISAIAH 32:11 ပူးပေါင်းရင်းမြစ်များ

SALM 123:4

Mirum nih sau tuk an kan zawmhtaih cang i miporhlaw nih sau tuk an kan nihsawh cang.

EXODUS 33:4

Hi thawng chia cu mizapi nih khan an theih tikah an ṭap i ahohmanh nih hlawn an i hruk lo.

ISAIAH 15:3

Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 20:4

Hi ram pahnih hna chung mi a tlaihmi sal hna cu Assiria siangpahrang nih taklawng in a kalpi hna lai. Tar thlu lo, no thlu loin, ke lawng le taklawng in an kal lai i an chiaṭha zong kha a lang lai; cuticun Izipt ram cungah ningzahnak a tlunter lai.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 47:8

Nang, nuamhnak a duhmipa, hi bia hi ngai tuah, him te le hnangam tein ka um, tiah na ruat. Pathian tluk ngan ah naa ruat i keimah bantuk ahohmanh an um lo, tiah na ruah. Zeitikhmanh ah nuhmei cu ka si bal lai lo tiah na ruah i fale thihloh ka ing bal lai lo na ti.

JEREMIAH 4:8

Hi ruangah hin buri i aih u law ṭap u law fak piin ai tuah u, Zeicahtiah Bawipa thinhunnak ṭih a nungmi cu kan sinin aa mer lo.”

JEREMIAH 49:3

Maw Heshbon ṭap tuah, zeicahtiah Ai khua cu a rawk dih cang. Rabbath Ammon khua pawngkam i a ummi khuate hna, ai tuah u, Buri i hruk u law, nan ṭang i cum tuah u, nan pum cu nam in i at dih tuah u. Zeicahtiah Milkom cu saltannak chungah a kal lai, A tlangbawi hna le a bawi hna he khan an kal lai.

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

JOEL 1:8

Maw mi hna, a vat laimi tlangval nih a thihtakmi ngaknu nih a ṭah bantukin nannih cu ṭap tuah u.

AMOS 4:12

Cucaah Israel, hihi na cung i ka tuah ding cu a si: Cun hihi na cung i ka tuah ding cu a si caah maw Israel, na Pathian ton awkah i tim tuah.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.