ISAIAH 32:1 - Lai (Hakha) Common Language Bible 2006

¹ Ni khatkhat cu dinnak in ram a uktu siangpahrang a um te lai i a kut tang i rian a ṭuanmi a bawi hna zong nih dinnak in mi kha an uk ve hna lai.

ISAIAH 32:1 ပူးပေါင်းရင်းမြစ်များ

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

SALM 45:1

Hi hla siangpahrang ka phuah ah hin, ka lungthin cu holh dawh in a khat; ka lei cu ca ṭial thiammi cafung bantuk a si.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 28:6

Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralṭhatnak a pek hna lai.

ISAIAH 33:5

Zeitluk in dah Bawipa cu a ngan! Zeizong vialte kha amah nih a uk dih. Jerusalem kha dinnak le ṭhatnak in a khahter lai i

ISAIAH 4:6

A sunparnak nih khan khua cu chun ah thladem a demh lai i himnak hmun, thli le ruah in himnak hmun ah a ser lai.

JEREMIAH 33:14

“Hngak ko, Israel le Judah cungah bia ka kamhmi hna thluachuahnak vialte ka tlunter lai ni a ra lio.

JEREMIAH 33:15

Khi ni le khi caan ah, David Nge, a dingmi ka corhter lai; ram chungah a hmaanmi le a dingmi thil kha a tuah lai.

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.