ISAIAH 31:4 - Lai (Hakha) Common Language Bible 2006

⁴ Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.

ISAIAH 31:4 ပူးပေါင်းရင်းမြစ်များ

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 30:32

Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

JEREMIAH 50:44

Zohhmanh, Jordan tiva kam tupi chungin a chuak i zungzal in a hringmi saṭil tlonnak ram lakah a ra chuakmi chiandeih bantukin, Keimah nih mi vialte kha ka dawi dih hna lai i Tuukawng ṭha bikbik kha ka tlaih dih hna lai. Zeicahtiah keimah bantuk hi ahodah a um? Keimah tluk hi ahodah a um? Tuukhal aho tal ka hmaiah a dir khomi an um maw?

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

ZEKHARIAH 9:15

Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

ZEKHARIAH 9:8

Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.

BIAPHUAN 10:3

cun a au ciammam i a aw cu chiandeih run aw bantuk a si. Cu ti a au dih cun, khuari pasarih nih an hun leh.

BIAPHUAN 5:5

Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.