ISAIAH 31:2 - Lai (Hakha) Common Language Bible 2006

² A tuahmi cu zeidah a si ti kha a hngalh. Rawhnak kha a tlunter. Miṭhalo cu dan ka tat hna lai i a hupphengtu hna zong ka tat ve hna lai tiah a rak chimmi kha a chim bangin a tlinter taktak.

ISAIAH 31:2 ပူးပေါင်းရင်းမြစ်များ

JOB 12:16

Amah sinah cun ṭhawnnak le fimnak kha a um, Hlenmi hna le hlengtu hna cu amah kut tang ummi an si.

JOB 5:13

Mifim hna cu anmah zernak lila ah khan a foih hna i Mihrokhrawl hna timhtuahnak cu khulrang in a dong.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

ISAIAH 14:20

Siangpahrang dang bang in nang cu vui zong na tong lai lo, zeicahtiah nangmah nih na ram cu na hrawh i na mi cu na thah hna. A ṭha lomi na innchungkhar chungin a nungmi ahohmanh an um lai lo.

ISAIAH 21:17

Thal kah thiammi pawl kha Kedar mi lakah ralṭha bik an si, sihmanhsehlaw tlawmte lawng an taang lai. Hi bia cu Bawipa, Israel Pathian nih ka chimmi a si,” a ti.

ISAIAH 22:14

Ralkapbu Bawipa hrimhrim nih a ka chawnh i, “Hi thil ṭhalo hi, an nun chung paoh cu, ngaihthiam an si bal lo. Hi bia cu Bawipa Ralkapbu Pathian nih ka chimmi a si,” a ti.

ISAIAH 28:21

Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 30:3

Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.

ISAIAH 30:7

Izipt nih bawmhnak a pekmi hna cu santlailo a si. Cucaah Izipt cu ‘Ṭih awk tlak lo rulpi’ tiah min ka sak.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 10:12

Pathian nih vawlei hi a ṭhawnnak in a ser Vawlei hi a fimnak in a umnak hmun ah hin a umter Van khi a thiamnak in a samh hna.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.

EZEKIEL 29:6

Cucaah Izipt ram i a ummi vialte nih Bawipa ka si kha an hngalh lai, Zeicahtiah Israel mi na bawmh hnanak cu phaikung nakin a ṭha hlei lo i

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

NAMBAR 10:35

Cun kuang cu aa thawh fate Moses nih, “Tho tuah, maw Bawipa, na ral kha i ṭhek dih hna seh law, nangmah an huatu hna cu na hmaiah zaam hna seh,” tiah a ti.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

ROM 16:27

Amah lawnglawng Pathian a si i Amah lawnglawng zeizong vialte a hngal dihtu a simi cu, Jesuh Khrih thawngin zungzal in zungzal tiang thangṭhat si ko seh. Amen.

JOSHUA 23:15

Sihmanhsehlaw Bawipa nan Pathian nih nannih kongah biakamnak a tuahmi thilṭha vialte kha nan caah a tlin bantukte khan, Bawipa nan Pathian nih hi ram ṭha an pekmi hna chung hin an hrawh hna hlantiang Bawipa nih nan cungah thilṭhalo vialte kha a tlunter lai,

JUDAS 1:25

kan Pathian le kan Khamhtu cungah cun, a liam ciami caan vialte in atu caan in zungzal caan tiang, kan Bawipa Jesuh Khrih thawngin, lianhngannak le sunparnak le ṭhawnnak le nawlngeihnak cu, um zungzal ko seh! Amen.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.