ISAIAH 30:3 - Lai (Hakha) Common Language Bible 2006

³ Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.

ISAIAH 30:3 ပူးပေါင်းရင်းမြစ်များ

2 SIANGPAHRANG 18:21

Zohhmanh, aa hngauhmi paoh an kut a rak chuntu hluang ṭhiangṭhunh per, Izipt naa bochan ko hih. Cu bantuk cu pei Izipt siangpahrang Faro cu amah aa bochanmi hna caah a si ko cu.

SALM 108:12

Minung bawmhnak cu zeihmanh a ṭhathnem lo caah kan raldohnak ah hin nangmah nih kan bawm ko.

PHUNGTHLÛKBIA 25:19

Harnak caan i zumhtlak lomi zumh cu, ha ṭhalo in rawl khai bantuk le a fakmi ke in kal i zuam bantuk a si.

ISAIAH 20:5

Ethiopia aa bochanmi le Izipt a um sawk tiah aa porhlawmi cu an ruahnak a khel ngaingai hna lai i vansang au in an um lai.

ISAIAH 20:6

Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

ISAIAH 36:6

Izipt nih a kan bawmh lai tiah nan i ruah ahcun, cucu phaikung ṭhiangṭhunh i i hman bantuk a si — phaikung cu ṭhiangṭhunh i hman ahcun a kiak i kut lam ah mi a chun. Izipt siangpahrang cu mi nih an i bochan tikah cu bantuk cu a si ko,” a ti.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

JEREMIAH 42:22

Cucaah hihi philh hlah u, va kal i va um nan duhnak ram ah hin ral kut le mangṭam le rai in nan thi lai,” tiah a ti.

JEREMIAH 46:25

Thebes khua pathian Ammon cu dan ka tat lai, Izipt cu a pathian hna le a bawi hna he khan dan ka tat lai; Faro le amah aa bochanmi vialte hna kha dan ka tat hna lai.

EZEKIEL 29:7

An in tlaih tikah an kut chungah na pertak hna i an zaktang ah khan na chunh hna; An in hngauh tikah na kiahtak hna i an kutke kha an ther dih.

HOSEA 10:6

Siasal cu Assiria ah kalpi a si lai i Uktu Siangpahrang ngan cu laksawng ah va ṭhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

ROM 10:11

Cathiang nih, “Amah a zummi paoh cu ningzahnak an ing lai lo,” tiah a ti.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.