ISAIAH 30:16 - Lai (Hakha) Common Language Bible 2006

¹⁶ Tlik a mumi rang kan i cit hna lai i cuticun kan ral hna kut in kan luat lai tiah khua nan khan. Asi, nan hmaan ko, nan zam a herh taktak lai. Sihmanhsehlaw kan rang cu an ṭhawng ve ko, tiah nan ruat lai nain nanmah an dawitu hna rang cu an ṭhawng chinchin lai.

ISAIAH 30:16 ပူးပေါင်းရင်းမြစ်များ

2 SIANGPAHRANG 25:5

Sihmanhsehlaw Khaldi mi ralkap hna nih khan siangpahrang cu an dawi i Jeriko nelrawn ah khan an phak i a ralkap vialte cu a sinin an i ṭhek dih.

JOB 39:11

Amah cu a thazang a ṭhawng ko nain naa bochan khawh lai maw? Na rian cu amah kha na rinh khawh lai maw?

SALM 147:10

Bawipa nih rangtum ṭhawngṭhawng hi biapi ah a ruahmi an si lo, ralkap ralṭhami hi a lawmhmi an si fawn lo;

SALM 33:17

Ral teinak caah ral tuknak rang hi san an tlai lo. a nganmi an ṭhawnnak nih a khamh kho hna lo.

ISAIAH 2:7

An ram cu sui le ngun in a khat i an rumning cu a dongh in dongh a hngal lo. An ram cu rangtum an khat i an rangleng cu rel cawk lo an si.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

JEREMIAH 39:4

Judah siangpahrang Zedekiah nih a hmuh hna tikah, amah a cawngtu ralkap hna he cun an zam i zan ah siangpahrang dum lam khan, Vampang Pahnih Karlak timi kutka khan an le. Arabah leiah khan an zam,

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

JEREMIAH 46:6

Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.

JEREMIAH 52:7

Cun mah cucu Judah siangpahrang Zedekiah nih khan a hmuh tikah, hriamnam he amah a cawngtu vialte hna he khan khuachung cun zan ah an zam i siangpahrang dum pawng i a ummi kutka Vampang Pahnih Hna Karlak timi khan an chuak. Khaldi mi nih khuapi cu an kulh nain Arabah leiah khan an zam.

ṬAHNAK HLA 4:19

A kan dawitu hna cu van i langta hna nakkhin an khul a rang deuh; Tlang cungah kan sul khan heh tiah an kan zulh i Kannih kha tlaih awkah ramlak in an kan bawh.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

MIKAH 1:13

Maw Lakhish mi hna, rangtum kha rangleng ah khit hna u, Zeicahtiah a hmasa bik ah Zion fanu hna sualnak chungah a kalpitu cu nangmah na si i Israel ṭhat lonak cu nangmah thawngin a rak si.

HABAKKUK 1:8

An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,