ISAIAH 3:23 - Lai (Hakha) Common Language Bible 2006

²³ an thlamlang hni hna le la hmangṭhia pavuah hna le an lu an i khuhnak puan hme tete hna le lukhuh thlamlang vialte hna cu a lakpiak dih hna lai.

ISAIAH 3:23 ပူးပေါင်းရင်းမြစ်များ

GENESIS 24:65

Abraham salpa kha, “Khika hmun i mipa, kanmah lei i a rami khi ahodah a si?” tiah a hal. “Ka bawipa a si,” tiah a leh. Cucaah a hmaikhuhnak puan kha aa lak i a hmai cu aa khuh.

GENESIS 41:42

Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangṭhia puan dawh ngaingai kha a aihter i a hngawng ah sui ṭhi a oih.

1 CHANRELNAK 15:27

David cu lahmangṭhia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.

EXODUS 38:8

Kut ṭawlnak dar kheng le a hunnak dar tawdanh cu nu pawl bihnak thlalang in a ser hna, cu nu pawl cu pumhnak thlam luhnak i rian a ṭuanmi kha an si.

SOLOMON HLA 5:7

Lungrawn khua vengtu hna nih kei ka hmu hna, Tukden le maw hliamhma pu in Hnemrang chuh tiang tong ai ing.

ISAIAH 3:22

an puan ṭhaṭha vialte le an angki fual le an puai puan hna le kutput zal hna le

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

ISAIAH 47:2

Facang rialnak lung kha mer ko kun, changvut kha rial ko kun. Na hmai khuhnak puan kha i phawih law na thil thuam ṭhaṭha kha i phawih hna.

EZEKIEL 16:10

Ṭamhmi puan kha kan aihter i saphaw kedan kan danhter; puan hmangṭhia khan kan thuamh i pu puan kha kan aih.

ZEKHARIAH 3:5

Cun aa thawh ṭhan i, “A lu ah lupawng thiang ponh u,” tiah a ti. Cucaah Bawipa vancungmi a dir ko lioah cun a lu ah lupawng thiang kha an ponh i thilpuan thiang kha an hrukter.

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

RUTH 3:15

Cun a thawh i, “Naa aihmi na puan kha rak pu law, rak dawn tuah,” tiah a ti. Cucaah a dawnh i barli kha rel ruk a tah i a cungah a khinh; cun khua chungah a lut.