ISAIAH 3:15 - Lai (Hakha) Common Language Bible 2006

¹⁵ Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 3:15 ပူးပေါင်းရင်းမြစ်များ

SALM 94:5

Bawipa, na mi kha an rial hna, nangmah ta a simi kha an hrem hna.

EXODUS 5:14

Faro sal uktu pawl nih khan Israel mi kuli khawng pawl, rian zohtu i an chiahmi hna cu, fung in an tuk hna i, “Zeicahdah hmasa i nan sermi zat tlakrawh kha nihin ah nan ser lo,” an ti hna.

PHUNGTHLÛKBIA 30:14

Sifakmi kha ṭam dih awkah le chambaumi kha ei dih awkah, a ha vainam a si i a khabe ah kawngthun aa bunhmi an um.

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

ISAIAH 14:30

Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangṭam a tlunter lai i pakhat hmanh cu mangṭam nih cun a nung in an zuahmi hna nan um lai lo.

ISAIAH 26:6

Atu ah cun rak hremmi nih khan a cung in an chawhhnawh i an ke in an lamh.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 30:12

Sihmanhsehlaw Israel Pathian Thiang nih a chimmi cu hihi a si: “Kan chimhmi hna kha zei ah nan rel lo i zaang-ennak le hlennak tu kha nan i bochan.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

ISAIAH 58:4

Nan puarhrang zungzal, nan i vel, nan i si lengmang. Hi bantuk rawl ulhnak nih hin nan thlacamnak cu a ka ngaihter lai, tiah nan ruat maw?

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

EZEKIEL 18:2

“Mi nih Israel ram chungah an chim lengmangmi phungthlukbia ‘Hringtu nu le pa hna nih mitsur thei thor an ei i an fale ha a za,’ an rak timi kha a sullam zeidah a si?

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.