ISAIAH 3:13 - Lai (Hakha) Common Language Bible 2006

¹³ Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.

ISAIAH 3:13 ပူးပေါင်းရင်းမြစ်များ

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 74:22

Maw Pathian, tho law na bia kha chim tuah! Nangmah zei ah an rel lomi nih chun nitlak in nihchuak i an in saih kha philh hlah.

SALM 82:1

Vancung biaceihnak hmun ah Pathian cu a dir i pathian pawl an i pumhnak ah biakhiahnak hi bantukin a tuah;

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

JOEL 3:12

Bawipa Biaceihnak Nelrawn ah cun ra hna seh; Khuazakip ah a ummi miphun vialte hna cu biaceih awkah Khika ah keimah cu biaceihnak ṭhutdan cungah ka ṭhu lai.

MIKAH 6:1

Atu cu Bawipa nih a chimmi bia hi thei tuah u: Tho tuah law, Bawipa, na bia cu chim tuah, tlang hna khi na tehte si hna seh, Fing hna nih khin na chimmi cu thei hna seh.

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.