ISAIAH 3:10 - Lai (Hakha) Common Language Bible 2006

¹⁰ Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 3:10 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

EXODUS 1:20

Pathian cu sayamah hna cungah cun a ṭha i Israel mi cu an karh chin lengmang i an ṭhawng chin lengmang.

PHUNGTHLÛKBIA 10:6

Thluachuahnak cu miding hna lu cungah a um, sihmanhsehlaw miṭhalo hna kaa nih cun zaang-ennak kha an i hmawm.

PHUNGTHLÛKBIA 12:14

Mi cheukhat nih an bia thawngin hlawh tlinnak an hmuh, sun a cheu nih an kut rian ṭuannak thawngin an hmuh awk hnga kha an hmuh ve.

PHUNGTHLÛKBIA 13:21

Misual mi cu vanchiatnak nih a zulh hna, sihmanhsehlaw miding cu ṭhatnak laksawng an hmu lai.

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JEREMIAH 15:11

Bawipa nih a leh i, Sihmanhsehlaw fak piin kan ṭhawnter lai; Harnak caan le vanchiatnak caan ah na ral cu na ke tangah ka chiah hna lai.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 22:15

Na sidar thing kha a ṭhat deuh ahcun cu nih cun siangpahrang na si kha a langhter maw? Na pa kha ruat hmanh: tlamtling tein ei awk din awk a ngeimi a si, dingte le aa ruang tein thil a timi a si, Cucaah a caah zeizong vialte a ṭha dih.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

LUKA 19:19

Amah zong cu a thawh i, ‘Khua panga uktu na si lai,’ tiah a ti.

DEUTERONOMI 12:25

Nan ei lai lo; zeitintiah Bawipa mithmuh i a dikmi nan tuah tikah, nanmah le nan hnu i nan tefa hna caah ṭhatnak a si lai.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.