ISAIAH 3:1 - Lai (Hakha) Common Language Bible 2006

¹ Atu cu Bawipa Ralkapbu Bawipa nih Jerusalem khua chung le Judah ram chungah mi nih an i bochanmi vialte hna kha a kalpi dih hna lai. An ti le an rawl vialte kha a lak dih lai,

ISAIAH 3:1 ပူးပေါင်းရင်းမြစ်များ

2 SIANGPAHRANG 25:3

Thla linak thla a ni kua ni ah, khuapi chungah cun mangṭam cu a fak tuk cang i rammi caah rawl a um ti lo.

SALM 105:16

An ram ah Bawipa nih mangṭam a tlunter i an rawl vialte kha a lakpiak dih hna tikah,

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 2:22

Thih thiammi minung cu i bochan hna hlah u. Zeihmanh an ṭhathnem ṭung lo.

ISAIAH 3:16

Bawipa nih, “Jerusalem khua nu hna khi zohhmanh hna u, zeitluk in dah an i zumh! An kal ah van lawng an cau i ahohmanh an hmu hna lo; a khiah in an i khiak. An fengbeo i an i thlaihmi an khi-ing tete cu ring cherhmarh hna seh tiah kar tawi tete in an kar.

ISAIAH 36:12

Anih nih a leh hna i, “Nanmah le nan siangpahrang lawng cu maw hi bia hi ka bawipa nih va chim hna a ka ti, tiah nan ruah. Nanmah lawng nan si lo, ralhau cung i a ṭhumi vialte hna zong khi ka chimh hna a hau; anmah zong cu nanmah bantukin mah ek a ei ve ding le mah zun a ding ve ding an si ko,” a ti.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!

JEREMIAH 37:21

Cucaah Siangpahrang Zedekiah nih nawlbia a chuah i Jeremiah cu ralvengtu hna pawl tual ah khan an chiah. Cun cu khua chung i changreu cu a dih hlantiang, Changreu Sertu Lam timi changreu sernak khan ni fate changreu hlum khat lengmang an pek. Cuticun ralvengtu hna tual ah khan Jeremiah cu a tang ko.

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

JEREMIAH 52:3

Jerusalem le Judah nih Bawipa thin cu an phawh tuk caah a donghnak ah cun a hmuh lonak hmun ah a dawi hna. Cun Zedekiah nih Babilon siangpahrang kha a doh.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

ṬAHNAK HLA 5:4

Kanmah ti lila kha din kan duh ah kan cawk a hau i Kanmah thing lila kha phaisa in kan cawk lawngah kan ngeih khawh.

LEVITIKAS 26:26

Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

AMOS 4:6

Nan khua chungah mangṭam a tluntertu le Nan inn chungah rawl ei awk ngei loin an tuahtu hna cu keimah ka si; Sihmanhsehlaw keimah sinah nan kir duh hlei lo. Hihi Bawipa bia hrimhrim a si.

MIKAH 4:9

Zeicahdah atu hi a lau in nan lau? Siangpahrang nan ngei lo maw? Fimchimtu a tangmi nan ngei lo maw? Zeicahdah nau nganfah a ing liomi nu bantukin a ngerh in nan i ngerh len ko?