ISAIAH 28:7 - Lai (Hakha) Common Language Bible 2006

⁷ Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 28:7 ပူးပေါင်းရင်းမြစ်များ

SALM 107:27

zuri bantukin an sawn i an tlu; an thiamnak vialte cu zeihmanh san a tlai lo.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

PHUNGTHLÛKBIA 23:30

Zu a camhmi, rim thar he cawhmi zureu a hneksak lengmangmi kha an si.

PHUNGCHIMTU 10:17

Sihmanhsehlaw mah lungthin tein ruahnak a thlekmi siangpahrang a ngei i A bawile hna cu a caan hmaante ah rawl a ei i anmah le anmah aa sum khomi a si i zu a ri lomi a simi hna ram cu ram vanṭha a si.

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ISAIAH 24:2

Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

ISAIAH 24:20

Vawlei cu zuri bangin a sawn lai i ṭotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho ṭhan ti lai lo.

ISAIAH 28:1

Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

ISAIAH 29:11

Profet nih an hmuhmi langhnak sullam cu thuhkanh nan si lai, cakhenhnak in khenh chihmi cazual bantuk a si lai. A rel a thiammi sin i nan va kalpi i, kan relpiak tuah, nan va ti tikah, aa hrenh caah ka rel kho lo, a rak in ti hna lai.

ISAIAH 3:12

Tangka cawihtu pawl nih ka mi kha an hrem hna i thil cawihtu pawl nih an hlen hna. Ka mi hna, nan hruaitu pawl nih a pingah an in kalpi hna caah khuazei lei kal awk nan hngal lo.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

ISAIAH 5:22

Nan lo cang! Zureu thawl lei i minthang hna! Zu ser le zu lap ton i ṭih ngei lo hna!

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

JEREMIAH 23:13

Samaria profet hna cu ruahnak zeihmanh a ngei lomi an si kha ka hmuh: Baal min in bia an chim i ka mi Israel mi kha a pingah an hruai hna.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

EZEKIEL 13:7

Nan mangihnak hi lih a si ko lo maw? Bawipa bia hrimhrim a si, nan ti, sihmanhsehlaw cu bia a chimtu cu Kei ka si lo.

EZEKIEL 44:21

Tlangbawi ahohmanh, chungchin tual kha a luh lai ah zu a ding lai lo.

HOSEA 7:5

An siangpahrang puai ni ah bawi pawl cu zu an ri dih i Miruamkai rual hna sinah cun amah zong cu aa tel ve.

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

HABAKKUK 2:15

Rawk ding nan si ko cang! Nan thinhun in nan innpa hna cu nan nautat hna i ningzah nan thlaih hna. Zuri sawn in nan sawnter hna.

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

EFESA 5:28

Pa nih an nupile cu anmah pum an i dawt bantukin an dawt hna awk a si. A nupi a dawmipa cu amah le amah aa dawt a si ko.