ISAIAH 28:12 - Lai (Hakha) Common Language Bible 2006

¹² Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

ISAIAH 28:12 ပူးပေါင်းရင်းမြစ်များ

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 29:12

A rel a thiam lomi sin i nan va kalpi i kan relpiak tuah, nan va ti tikah, kei cu ca rel ka thiam lo caah ka rel kho lo, a rak in ti hna lai.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ISAIAH 32:17

Mi kip nih a dingmi thil kha an tuah cio caah daihnak le himnak zungzal in a um lai.

ISAIAH 32:18

Pathian mi hna cu an inn ah khan daihnak le himnak a um lai i lung retheihnak in an luat lai.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ZEKHARIAH 7:11

Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.