ISAIAH 28:1 - Lai (Hakha) Common Language Bible 2006

¹ Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

ISAIAH 28:1 ပူးပေါင်းရင်းမြစ်များ

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 CHANRELNAK 28:6

Bawipa, an pupa hna Pathian kha an hlawt caah Remaliah fapa Pekah nih khan ni khatte ah Judah ram chungah cun sing khat le sang hnih a thah hna, an dihlak in miralṭha lawngte an si.

PHUNGTHLÛKBIA 23:29

Ahodah chimpit vansang in a um tawn? Ahodah a ngaih a chia tawn? Ahodah mi he aa si tawn? Ahodah bia a ngei tawn? Ahodah zei ruang lo ah hma a ing tawn? Ahodah mit sen remrum in a um tawn?

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

ISAIAH 5:22

Nan lo cang! Zureu thawl lei i minthang hna! Zu ser le zu lap ton i ṭih ngei lo hna!

ISAIAH 8:4

Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

ISAIAH 9:11

Bawipa nih an ral hna cu anmah doh awkah khan a cawlcanghter cang hna.

ISAIAH 9:8

Bawipa nih Israel pennak cungah, Jakob tefa hna cungah, a bia a thlah cang.

ISAIAH 9:9

Israel mi vialte le Samaria khua chung i a ummi vialte nih cu bantukin a tuah cu an hngalh dih lai. Atu cu an i porhlaw i an lung a puam. An i thawh i,

HOSEA 4:11

Zu nih ka mi hna cu a molhter cang hna!

HOSEA 5:5

Israel sual a phawtu cu amah aa porhlawtnak lila kha a si ko, An sualnak nih khan a rilhter hna i a tlukter hna; Cun Judah mi zong cu an sinah khan an tlu ve.

HOSEA 5:9

Hi thlen ṭhan khawh lomi rawhnak hi Israel mi phun cung i tlung dingin ka thanh cang; Dantat ni ah Efraim cu a ṭiao cikcek lai.

HOSEA 6:10

Israel hmunthiang ah thil ṭhalo ngaingai pakhat ka hmuh: Khika ah Efraim cu hlawh a hlang i Israel cu amah le amah aa thurhhnawmh.

HOSEA 7:5

An siangpahrang puai ni ah bawi pawl cu zu an ri dih i Miruamkai rual hna sinah cun amah zong cu aa tel ve.

LEVITIKAS 26:19

nan ṭhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk ah ka ser lai;

AMOS 2:12

Sihmanhsehlaw nannih nih Nazir mi kha zu nan dinter hna i Profet hna cu bia chim hlah u, nan ti hna.

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

AMOS 6:6

A kheng ning pipi in mitsur hang kha nan din i Chiti ṭha bikbik khan nan i cenh; Sihmanhsehlaw Josef nih rawhralnak a in ni ah khan nan ngaih a chia lo.

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.