ISAIAH 27:7 - Lai (Hakha) Common Language Bible 2006

⁷ Israel kha Bawipa nih dan a tatmi cu, a ral hna a tatmi hna tluk khan cun a fak lo, minung zong a ral hna tluk khan cun an thi lo.

ISAIAH 27:7 ပူးပေါင်းရင်းမြစ်များ

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 17:14

Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

ISAIAH 17:3

Israel cu hupphengtu ralhruang zeihmanh a ngei ti lai lo i Damaskas cu amahte in aa ukmi ram a si ti lai lo. Siria mi hna chungin a tangmi hna kha Israel mi hna bantukin ningzak in khua an sa ve lai. Hi bia hi Bawipa nih ka chim,” a ti.

ISAIAH 30:31

Assiria mi cu Pathian aw an theih tik le a dantatnak hmual kha an hngalh tikah a ther in an ther lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 31:9

An siangpahrang cu a zam lai i a bawi pawl cu an thin a phan tuk caah raltuknak i an i putmi an alan hmanh kha an zamtak lai,” a ti. Jerusalem ah an biakmi Pathian, a raithawinak caah Zion i a mei a ummi Bawipa nih hi bia cu a chim.

JEREMIAH 50:40

Pathian nih Sodom le Gomorrah le an pawngkam khua hna kha a hrawh tik hna ah khika ah mi ahohmanh an um ti lo bantukin a chungah ahohmanh khua an sa ve lai lo, tiah Bawipa nih a ti.

JEREMIAH 51:24

Cu bantukin Babilon le Khaldi mi hna cu Na mit hmuh i Zion cung i ṭhat lonak an tuahmi ruangah Teirul ka cham hna lai, tiah Bawipa nih a ti.

NAHUM 1:14

Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

NAHUM 3:19

Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?