ISAIAH 27:13 - Lai (Hakha) Common Language Bible 2006

¹³ Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 27:13 ပူးပေါင်းရင်းမြစ်များ

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

SALM 81:3

Thla thar caan le thla lai caan ah, kan puai ah tuu ki cu tum hna u.

SALM 89:15

Hla in nangmah an biami cu milunglawm an si, na zaangfahnak ceunak chung i a ummi cu lunglawmmi an si.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

ISAIAH 43:6

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

JEREMIAH 31:6

Efraim tlang cung i ralveng hna nih, “Ra u law Zion ah hung kal u sih, Bawipa kan Pathian sinah cun hung kal u sih,” an ti caan kha a ra lio, tiah a ti.

JEREMIAH 43:7

hi hna vialte hi Bawipa nawl cu ngai loin Izipt ram chungah cun an vung kal i Tahpanhes kha an phan.

JEREMIAH 44:28

Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

EZEKIEL 20:34

Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

HOSEA 11:11

Khulrang in an ra lai, va zuan in Izipt ram in an hung zuang lai i laileng bantukin Assiria ram in an rung zuang lai; Cun an inn cio ah khan khua ka sakter hna lai. Hihi Bawipa bia hrimhrim a si.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

LEVITIKAS 25:9

Cun thla sarih thla ni hra ni ah cun a thangmi muko kha nan chawhpi lai; remnak ni ah cun nan ram chung vialte ah muko cu nan tum thluahmah lai.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

ZEKHARIAH 14:16

Jerusalem a dotu miphun hna chungin a tangmi vialte hna cu kum fate in Siangpahrang, ralkapbu Bawipa biak awkah le Deu Puai tuah awkah cun an ra lengmang lai.

ZEKHARIAH 8:7

Hihi ralkapbu Bawipa bia a si:

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

BIAPHUAN 10:7

Vancungmi pasarihnak nih a muko a tum tikah Pathian nih, a sal profet hna sinah a rak chim bang khan, a rak timh thlimi kha a tlinter lai,” a ti.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.

BIAPHUAN 8:6

Cun vancungmi pasarih hna nih khan an muko pasarih cu tum awkah an i tim.

BIAPHUAN 9:14

Muko aa putmi vancungmi paruknak kha aw nih cun a thawh i, “Tiva nganpi Zufrates ah hrenmi vancungmi pali kha thlah hna,” tiah a ti.