ISAIAH 26:7 - Lai (Hakha) Common Language Bible 2006

⁷ Bawipa, miṭha cu an lam na sialpiak hna i an zulhmi lam cu na pheiter.

ISAIAH 26:7 ပူးပေါင်းရင်းမြစ်များ

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

JOB 31:6

Pathian nih dinnak cuaithlainak ah cun ka thlai seh law ka sual lo kha a hngalh ko lai.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.

SALM 25:4

Maw Bawipa, na lam kha ka cawnpiak hna law ka hngalhter hna.

SALM 25:5

Nangmah cu ka khamhtu na si caah na biatak ningin nun cu ka cawnpiak tuah. Chun nitlak in nangmah kha kan bochan.

SALM 27:11

Maw Bawipa, ka ral an um caah hin, a himmi lam in ka kalpi law na duhnak kha ka cawnpiak ko.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

PHUNGTHLÛKBIA 11:5

Miṭha cu a dinnak nih khan a lam kha a fawiter, sihmanhsehlaw miṭhalo cu amah ṭhat lonak nih khan a tlukter.

PHUNGTHLÛKBIA 20:7

Mipa cu a nunning kha a din i a ṭhat ahcun, a hnu i a tefa hna cu thluachuakmi an si.

PHUNGTHLÛKBIA 21:8

A sualmi nih cun lam kawi kha an zulh, sihmanhsehlaw a sual lomi nih cun a hmaanmi kha an tuah.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

ISAIAH 57:2

Nuncan ṭha in a nungmi nih cun thihnak ah khan daihnak le dinhnak an hmuh.

JEREMIAH 10:23

Maw Bawipa, minung nih a zulhmi a lam hi amah nih aa thimmi an si lo i A nun chung i a kalnak lam zong hi amah nih aa ser khawhmi an si lo ti kha ka hngalh.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;