ISAIAH 26:6 - Lai (Hakha) Common Language Bible 2006

⁶ Atu ah cun rak hremmi nih khan a cung in an chawhhnawh i an ke in an lamh.

ISAIAH 26:6 ပူးပေါင်းရင်းမြစ်များ

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 28:3

Efraim mi zu rit buin a hruai zungzalmi haotu pawl nih an i uanthlarmi pangpar ṭhi rual kha vawlei ah lamh beh an si lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 37:25

Ram dang ah tikhor ka cawh hna i ka din hna, ka ralkap nih Nail Tiva cu vawlei ro tan in an tan, tiin naa thangṭhat.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

ROM 16:20

Cun Pathian, kan daihnak tihna nih cun, Satan kha nan ke tangah a rial tuan lai. Kan Bawipa Jesuh vel cu nan sinah um ko seh.

1 KORIN 1:26

Ka u le ka naule hna, Pathian nih a rak in auh hna ah khan, zei bantuk mi nan si kha i philh hlah u. Minung hmuhning lei in ti ahcun, a fimmi le thil a ti khomi le upat hmaizah awk tlak a simi cu tlawmte lawnglawng nan rak si.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JOSHUA 10:24

Cun cu siangpahrang hna cu Joshua sinah an chuahpi hna tikah, Joshua nih Israel mi vialte kha a kawh hna i amah sinah a kalmi ralkap hna bawi hna sinah khan, “Rak ka naih tuah u, hi siangpahrang hna hngawng hi lam tuah hna u,” tiah a ti.

BIAPHUAN 2:26

Teitu a simi hna le tuah hna seh ti ka duhmi a dongh tiangin a tuahmi hna cu, ka Pa sinin ka hmuhmi nawl ngeihnak kha annih zong ka pek ve hna lai. Miphun dang uknak nawl kha ka pek hna lai i annih cu thirfung in uknak nawl le tlak-um bangin khuainak nawl kha ka pek hna lai. Cun deirel arfi zong kha ka pek hna lai.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.