ISAIAH 26:20 - Lai (Hakha) Common Language Bible 2006

²⁰ Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 26:20 ပူးပေါင်းရင်းမြစ်များ

GENESIS 7:1

Bawipa nih Noah cu a thawh i, “Na innchung khar dihlak he lawng chungah cun lut tuah; nangmah lawnglawng hi atu mi hna lakah hin ka lung a ka tongmi na si.

GENESIS 7:16

Pathian nawlpek ning khan, lawng chungah cun an lut. Cun Bawipa nih Noah hnu cun innka cu a khar.

JOB 14:13

Pathian, Sheol ah khin ka thup law ka duh; Na thinhunnak a daih tiangin ka thup tuah, Khika ah cu tiangin na um lai tiah caan ka khiahpiak law Cun ka hngal ṭhan te tuah!

SALM 143:9

Bawipa, huhphenhnak hmuh duh ah nangmah cu kan fuh; ka ral hna kut chung hin ka chanh ko.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 57:2

Cung Nung Bik Pathian cu ka auh, ka herhnak vialte a ka petu Pathian cu ka kawh.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

SALM 94:13

Miṭhalo mi caah thlan cawh a si hlantiang, harnak caan ah dinhnak na pek hna.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

ISAIAH 10:25

Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 13:5

Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

JEREMIAH 31:14

Tlangbawi hna cu hi ram thau kha ka vuaiter hna lai i Ka mi hna cu ka ṭhatnak in an khim lai,” tiah Bawipa nih a ti.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

EZEKIEL 11:16

Cucaah, mah hihi Bawipa bia an si, tiah chim hna: Miphun dang hna lakah ram hlapi ah ka ṭhawl hna i ram tampi ah ka ṭhek hna tikah, an va kalnak ram hna ah khan caan tlawmte cu an caah himnak hmun ka rak si. Cucaah mah hihi Bawipa Pathian bia cu an si, tiah chim hna:

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.