ISAIAH 26:10 - Lai (Hakha) Common Language Bible 2006

¹⁰ Nang nih cun miṭhalo kha na zaangfah ko hna nain, dinnak tuah kha an cawng duh hlei lo. Miding mi an umnak ram hmanh ah hin ṭhat lonak kha an tuah ṭhiamṭhiam ko, na lianhngannak kha an hngal duh hlei lo.

ISAIAH 26:10 ပူးပေါင်းရင်းမြစ်များ

2 SIANGPAHRANG 13:6

Sihmanhsehlaw Jeroboam nih Israel mi a sualternak hna Jeroboam innchungkhar sualnak kha an kaltak hna lo i an zulh hna; cun Asherah zong kha Samaria khua ah a um ko).

SALM 106:43

Bawipa nih a mi pawl cu voi tampi a khamh ko hna, sihmanhsehlaw amah doh tu kha an duhmi cu a si i sualnak chungah khan thuk chin lengmang in an pil.

SALM 143:10

Nangmah cu ka Pathian na si; cucaah na duhnak tuah kha ka cawnpiak ko. Na velngeihnak thawngin himnak lam ah ka hruai tuah.

SALM 69:27

An sualnak kha cazin chungah i khumh dih law na khamhnak chungah covo zeihmanh ngei hna hlah seh.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

EXODUS 9:30

Asinain nangmah le na bawi pawl nih Bawipa Pathian cu nan ṭih rih lo ti kha ka hngalh,” a ti.

EXODUS 9:34

Faro nih ruah le rial le khuari kha an dih cang ti a hmuh tikah a sual ṭhan hoi i a bawi hna he khan lung hak in an um ṭhan.

PHUNGTHLÛKBIA 1:32

Zeicahtiah lungtlawm pawl cu anmah pialnak nih khan a thah hna i Mihrut hna cu zei ruat khak loin an umnak nih khan a hrawh hna,

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

ISAIAH 1:21

Zumhawktlak a rak si tawnmi khua kha, atu cu hlawhhlangnu a si cang. Hlanah khan cun a chungah miding an rak um tawn, sihmanhsehlaw atu cu lainawng pawl lawng an tang cang.

ISAIAH 2:10

Bawipa thinhunnak kha thuhtak awkah le a ṭhawnnak le a sunparnak kha thuhtak awkah, lungpang tamnak tlang lungkua chungah an i thup lai, asiloah, vawlei ah khor an i cawh lai.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 5:12

Nan puai ah tingtang le thonglawi le khuang he a erh in nan i erh i zu he nan i ciah. Sihmanhsehlaw Bawipa nih zeidah a tuah ti kha nan hngal lo.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

MATTHAI 4:5

Khuachia nih cun Jesuh cu khua thiang ah khan a kalpi i biakinn parpahlek ah khan a chiah.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

1 SAMUEL 15:17

Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.