ISAIAH 25:1 - Lai (Hakha) Common Language Bible 2006

¹ Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 25:1 ပူးပေါင်းရင်းမြစ်များ

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

SALM 118:28

Nangmah cu ka Pathian na si i kan lawmh; na lianhngannak cu ka thanh lai.

SALM 145:1

Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

SALM 146:2

Ka nun chung vialte amah cu ka thangṭhat lai; nunnak ka ngeih chung paohpaoh ka Pathian cu hla in ka thangṭhat lai.

SALM 31:15

Ka caan cu na kut chungah a um dih, ka ral hna kut chungin ka khamh law a ka hremtu hna kut chungin ka khamh tuah.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

SALM 75:2

Pathian nih, “Biaceihnak dingah caan ka khiah cang i aa buaktlak tein ka ceih hna lai.

SALM 78:4

Bawipa ṭhawnnak le amah nih thil lianngan a tuahmi hna le, thil khuaruahhar a tuahmi hna kha, kan fale cu chim loin kan um hna lai lo, kan hmai chan mi kha kan chimh hna lai.

SALM 89:1

Bawipa, a fekmi na dawtnak cu hla in ka sak zungzal ko lai i zumhawktlak na sinak cu ka chim thluangthluan ko lai.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

SALM 99:5

Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 26:13

Bawipa, kan Pathian, midang nih an kan uk, sihmanhsehlaw kan Bawi cu nangmah lawnglawng na si.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 40:27

Israel, a si kun ahcun, zeicahdah Bawipa nih ka harnak hi a hngal lo i ka caah hin thil a rem in a chia lo, tiah na zai?

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

ISAIAH 46:11

Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.

ISAIAH 49:5

Ka chuah hlan in Bawipa nih a ka fial; a mi cu kirpi ṭhan hna awkah le aa ṭhekmi Israel mi kha pumh ṭhan hna awkah, a sal ah a ka ser. Bawipa nih upatnak a ka pek; amah cu ka thazang hrampi a si.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

JOEL 2:26

Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 7:12

“Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.