ISAIAH 24:5 - Lai (Hakha) Common Language Bible 2006

⁵ Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 24:5 ပူးပေါင်းရင်းမြစ်များ

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

2 SIANGPAHRANG 21:12

cucaah Bawipa, Israel Pathian nih hi bangin a ti: ‘Zohhmanh, a ṭhat lo tuk i a theitu paoh an hna a khenh lai ding ṭhat lonak cu Jerusalem le Judah cungah ka tlunter lai.

2 SIANGPAHRANG 21:15

zeicahtiah annih nih an pupa hna Izipt ram in an chuah ni in atu tiang ka mithmuh i ṭhat lonak kha an tuah lengmang ko;” tiah a ti.

2 CHANRELNAK 33:9

Manasseh nih Judah le Jerusalem mi cu a lem khawh hna caah Israel mi hmai i Bawipa nih a hrawhmi miphun hna nakkhan ṭhat lonak tam deuh an tuah.

SALM 105:10

Bawipa nih Israel he zungzal a hmunmi biakamnak cu a ser, Jakob he a biakamnak in aa ṭem chih i,

SALM 55:5

Ka ṭih tuk ah a ther in ka ther i ka luthlung in ka kechik tiang ka ther dih.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 30:9

Annih cu a zungzal in Pathian kha an doh, a zungzal in lih an chim, a zungzal in Pathian cawnpiaknak kha an al.

ISAIAH 33:8

Lam ah khan himnak a um lo caah cu lam cu ahohmanh nih an zul ti hna lo. Biakamnak kha an rawk, cuticun kan tuah ṭi lai ti hnatlaknak kha zeihmanh ah an rel lo. Ahohmanh zei ah an i rel lo.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

EZEKIEL 16:59

Mah hihi Bawipa Pathian bia a si. Aa thawh i, “Nangmah nih biakamnak kha na hrawh i chiatsernak kha zei ah na rel lo caah na hmuh awk hnga a sining in na cungah ka tuah lai.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

DANIEL 9:10

Bawipa kan Pathian cu na bia kan in ngai lo, na sal profet hna thawngin kan caah na chiahmi na phunglam cu kan zul hna lo.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

HOSEA 6:7

Adam ah ka biakamnak kha an hrawh, Khika ah an ka hlen.

LEVITIKAS 20:22

“Cucaah ka nawlbia vialte le ka phunglam vialte nan ulh hna lai i nan tuah hna lai, cucaah kan hruai hna lainak ram nih an luak hna lai lo.

LEVITIKAS 26:35

A ṭhin chung vialte cu aa din ko lai; a chungah nan um lio i nan sabbath kum hna ah ram nih a hmuh lomi dinhnak cu a hmuh lai.

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 32:20

Amah nih, ‘An sinin ka hmai ka thuh lai, An donghnak kha zeidah a si lai ka zoh lai, Zeitintiah annih cu milotlau chan; Zumhawktlak lo fa an si.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 9:1

Biakamnak hmasa bik nih khan Pathian biaknak caah phunglam a ngei i biakinn zong a ngei, a biakinn cu minung sermi a si.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOSHUA 24:25

Cucaah Joshua nih khi ni ah mizapi hna he cun biakamnak a tuah i annih caah Shekhem ah nawlbia le phunglam kha a serpiak hna.