ISAIAH 24:22 - Lai (Hakha) Common Language Bible 2006

²² Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai.

ISAIAH 24:22 ပူးပေါင်းရင်းမြစ်များ

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 24:17

Vawleicung mi hna! Thil ṭihnung le khor le rap nih an in bawh ko hna.

ISAIAH 42:22

Sihmanhsehlaw atu ah cun a mi hna cu mi nih an ramh hna, vawlei tang thonginn chungah an khumh hna i thonginn chungah an hrenh hna. An ramh hna i an thil an chuh hna, ahohmanh a chanhtu hna an um lo.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

ZEKHARIAH 9:11

Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

ZEKHARIAH 9:12

Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

BIAPHUAN 20:2

Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.