ISAIAH 24:2 - Lai (Hakha) Common Language Bible 2006

² Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

ISAIAH 24:2 ပူးပေါင်းရင်းမြစ်များ

GENESIS 41:50

Mangṭam a tlun hlanah khan Josef nih cun On khua tlangbawi Potifera fanu Asenath he khan fapa pahnih an hrin hna.

2 CHANRELNAK 36:20

Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang;

ISAIAH 2:9

An dihlak in ningzahnak le hmai-chiatnak an phan lai. Bawipa, annih cu ngaihthiam hna hlah!

ISAIAH 24:3

Vawlei cu a kek a kuai dih lai i a rawk dih lai. Cu bia cu Bawipa nih a chimmi a si i a chim bangin a si ko lai.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 5:15

An dihlak in ningzahnak an hmu lai i milungpuam vialte kha ṭhumh an si lai.

JEREMIAH 41:2

Nethaniah fapa Ishmael le mi pahra hna nih cun Safan fapa Ahikam i fapa Gedaliah, Babilon siangpahrang nih ram uktu bawi ah a sermi cu an thawhhnawh i vainam in an thah.

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

ṬAHNAK HLA 4:16

Bawipa hrimhrim nih a ṭhek hna, annih kha a ruat ti hna lo; Tlangbawi kha a duhdanh ti hna lo i Upa kha a zaangfah ti hna lo.

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

HOSEA 4:9

Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.