ISAIAH 24:14 - Lai (Hakha) Common Language Bible 2006

¹⁴ A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i

ISAIAH 24:14 ပူးပေါင်းရင်းမြစ်များ

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 27:2

Cu ni ah cun a nuammi a mitsur dum kong ah Bawipa nih hitihin bia a chim lai,

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 40:9

Maw Jerusalem, tlang sang cungah kai law thawng ṭha kha thanh tuah! Maw Zion, fak piin au law thawngṭha kha thanh tuah. Au ko, ṭih hlah. Judah ram khua hna kha, nan Pathian a ra lio, tiah chim hna.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 60:5

Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JEREMIAH 51:10

Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

ZEKHARIAH 2:10

Cucaah nannih nih ralkapbu Bawipa nih a ka thlah kha nan hngalh lai. Fak piin au law i lawm tuah, maw Zion fanu, ka ra lio, nanmah lakah ka um lai, tiah Bawipa nih a ti.