ISAIAH 24:11 - Lai (Hakha) Common Language Bible 2006

¹¹ Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang.

ISAIAH 24:11 ပူးပေါင်းရင်းမြစ်များ

SALM 144:14

Kan caw nih fa tampi hring hna seh law a lotlaumi le a rawkmi pakhat hmanh um hna hlah seh. Kan khuachung lam ah lungfah ṭahnak thawng zeihmanh leng hlah seh.

PHUNGTHLÛKBIA 31:6

A lung a dong cang i ngaihchia lungrethei in a ummi kha zu cu pe hna u,

ISAIAH 16:10

Rawl tampi a rak chuahnak lo ah khan atu cu ahohmanh aa lawmmi an um lo. Mitsur dum chungah khan a aumi siseh, hla a sami siseh, ahohmanh an um lo. Ahohmanh zu ser awkah mitsur thei a nengmi an um lo, lunglawmhnak au thawng kha a dong cang.

ISAIAH 32:10

Atu ah cun hnangam in nan um, sihmanhsehlaw kumvoi atu tikah hin cun lungdong in nan um lai, zeicahtiah mitsur thei lawh awk zeihmanh nan ngei lai lo.

ISAIAH 32:13

hling le so lawng an khat dih. Nuam tein mi nih an rak umnak inn hna le minung a khah in an rak khahnak khuapi kha ṭah ko hna u.

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 46:12

Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 48:33

Thei tampi a tlai tawnmi Moab ram khan Lunglawmhnak le thanuamnak kha lak an si cang; Mitsur hang nennak hmun in mitsur hang cu ka donghter cang; Lawmhnak aw thawng he a neng tawnmi kha an um ti lo, Lawmhnak au thawng zeihmanh a leng ti lo.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

JOEL 1:12

Mitsur lawh caan cu ruahchan awk a um lo, Theipi cu an uai cang; Taleti siseh, ung kung siseh, epal siseh — theikung vialte kha an car dih cang. Mi an lunglawmhnak zong kha a car cang.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.