ISAIAH 23:11 - Lai (Hakha) Common Language Bible 2006

¹¹ Bawipa nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang.

ISAIAH 23:11 ပူးပေါင်းရင်းမြစ်များ

GENESIS 9:25

aa thawh i, “Kanaan cungah chiat tlung ko seh; a unau hna sal a si lai,” a ti.

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

SALM 71:3

Ka caah himnak lungpi si law a fekmi ralhruang a ka hupphengtu si ko; nangmah cu ka himnak lungpi le ka ralhruang na si.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 14:26

Hihi vawlei cung ca i khua ka khanmi cu a si i miphun dantat awkah khan ka ban cu aa samh ko,” a ti.

ISAIAH 19:5

Nail tiva ti cu a puan lai i tiva cu a car te lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 23:10

Kal u law lo va thlo u, Spain ram chung ram thar i a ummi hna. Ahohmanh nanmah hupphengtu ding an um ti lo.

ISAIAH 23:3

Izipt ram in a chuakmi rawl kha cawk awk le ram dangdang hna he chaw i cawk le i zuarh awkah, nan lawng cu rili cungah nan thlah hna.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

JEREMIAH 47:7

Sihmanhsehlaw zeitindah rianṭuan awk ka pek tikah hin aa dinh khawh lai? Amah cu Ashkelon khua i a ummi hna le rili kam i a ummi hna kha tuk awkah nawl ka pek cang, tiah a ti.

EZEKIEL 26:10

A rangcung ralkap hna nih an hmanmi rang a thongthong hna nih leidip in an in khuh dih lai i Mi nih a pem ciami khua ah an luh bantukin na kutka chungah an luh tikah, A rangtum khuarit in a rimi hna le, A rangleng kekual hna thawng ah cun na vampang hna cu an i hnin dih lai.

EZEKIEL 26:4

Tair ralhau kha an hrawh dih hna lai i a innsang kha an chimh dih hna lai. A vawlei kha ka ziah dih lai i a tleu in a tleumi lungpang ah ka ser lai.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

NAHUM 1:14

Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

ZEKHARIAH 14:21

Jerusalem le Judah ram chung i a ummi um vialte cu ralkapbu Bawipa caah an thiang dih lai i raithawitu vialte kha an ra lai i tlawmpal kha an lak hna lai i an chungah sa kha an chuan hna lai. Cucaah cu caan a phak tikah cun, ralkapbu Bawipa inn chungah khan chawlet-chawhrawl pakhat hmanh hmuh an si ti lai lo.

MARKA 11:17

Cun mizapi kha a cawnpiak hna i, “Ca Thiang chungah, Pathian nih, ‘Ka inn cu miphun vialte hna thlacamnak inn a si lai,’ a ti, tiah aa ṭial. Sihmanhsehlaw nannih nih cun mifir kua ah nan ser cang,” tiah a ti hna.

JOHAN 2:16

Laileng zuar pawl kha a thawh hna i, “Hika hmun hin nan laileng kha chuahpi hna u. Ka Pa inn cu chawdawrnak hmun ah ser hlah u,” a ti hna