ISAIAH 22:6 - Lai (Hakha) Common Language Bible 2006

⁶ Elam ram in a rami ralkap hna cu rang an rak i cit i li le thal he an ra. Kir ram in a rami ralkap hna cu an phaw kha timh cia tein an um.

ISAIAH 22:6 ပူးပေါင်းရင်းမြစ်များ

GENESIS 10:22

Shem fapale cu Elam, Asshur, Arpakshad, Lud le Aram an si.

2 SIANGPAHRANG 16:9

Cun Assiria siangpahrang nih a bia a rak ngaihpiak; Assiria siangpahrang nih Damaskas kha a hun kalhnawh i a lak i a mi kha Kir ah a kalpi hna i Rezin kha a thah.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 22:7

Judah ram chung nelrawn hna cu rangleng an khat i Jerusalem hauka ah rangcung ralkap kha an dir.

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

AMOS 9:7

Israel mi hna, nannih cu ka caah Kush mi bantuk nan si lo maw? Israel mi cu Izipt ram in, Filistin mi cu Kaftor ram in, Aramean mi hna cu Kir ram in ka hunpi hna lo maw?