ISAIAH 22:5 - Lai (Hakha) Common Language Bible 2006

⁵ Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 22:5 ပူးပေါင်းရင်းမြစ်များ

2 SIANGPAHRANG 19:3

Annih nih amah cu, “Hi bangin Hezekiah nih, ‘Nihin cu lung retheihnak le nehsawhnak le ningzahnak ni a si. Fa cu an chuah caan a tling cang nain, hrinnak caah thazang a um lo.

2 SIANGPAHRANG 25:10

Cun ralveng haotu sinah a ummi Khaldi ralkap vialte nih khan Jerusalem velchum i a ummi kulhnak vampang cu an chimh.

ESTHER 3:15

Siangpahrang nawl in ca phortu hna cu khulrang in an kal i nawlbia cu Susa khuapi ah khan an chuah. Cun Siangpahrang le Haman cu zu din awkah an ṭhu; sihmanhsehlaw Susa khuapi cu i tuai ur in a um.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:8

Bawipa nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a ṭahter hna i An pahnih in hnabeidong in an ril ko.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

MIKAH 7:4

An lak i miṭha bik hna le lihchim lo bik hna hmanh kha hlingbur bantuk an si. Pathian nih dan kan tat hna lai tiah ralrinnak a pek cang hna bangin Mi cu dan a tat hna lai ni kha a phan cang. Annih cu vansang au in an um dih lai.

ZEFANIAH 1:15

Cu ni cu thinhunnak ni a si, Cu ni cu vansang-auhnak le hremnak ni a si, Cu ni cu rawhnak le ralnak ni a si, Cu ni cu muihnak le khuachiat ni a si, Cu ni cu khuadawm le minmei zelh ni a si,

MATTHAI 24:16

Cun Judea ram i a ummi kha tlang ah zam hna seh.

LUKA 23:30

Cu caan cu mi nih tlang hna cu, ‘Kan tlak u,’ an ti hna i, fing hna cu, ‘Kan khuh u,’ an ti caan a si lai.