ISAIAH 22:21 - Lai (Hakha) Common Language Bible 2006

²¹ Na bawinak puan le taisawm cu amah kha ka pek lai i nangmah nih na rak ngeihmi nawlngeihnak vialte kha amah cungah ka chiah lai. Jerusalem khuami le Judah ram mi hna caah anih cu pa bantuk a si lai.

ISAIAH 22:21 ပူးပေါင်းရင်းမြစ်များ

GENESIS 45:8

Cucaah cun hika i a rak ka kaltertu ngaingai hi nanmah nan si lo, Pathian a si. Faro caah pa bantuk ah a ka ser i a ram vialte cu keimah nih ka zohkhenh dih i Izipt ram vialte cu ka uk dih.

ESTHER 8:15

Susa khuapi cu lunglawmhnak in a au len lioah khan Mordekai cu, siangpahrang puan a dum le a rang kha aa aih i sui luchin kha aa chinh i la hmangṭhia le sendung puan kha i aih in siangpahrang hmai cun a hung chuak.

ESTHER 8:2

cun siangpahrang nih cun Haman a pekmi a min khenhnak kutdonghrolh kha aa phoih i Mordekai kha a pek. Cun Esther nih Mordekai cu Haman inn zohkhenhtu ah khan a chiah.

JOB 29:16

Sifakmi caah an pa ka rak si i, Khual kha an bia ka rak chimpiak hna.

EZEKIEL 23:15

vampang i suaimi pa hmanthlak hna kha a hmuh cangka hna in a duh colh hna i Khaldi ram ah khan lamkaltu a thlah colh hna. Cu hna cu si sen in suaimi Khaldi mi an si, an tai ah taisawm an i sawmh hna i an lu ah a zik a chuakmi ludomh an i domh. An dihlak in bawi ngan si dawh an si i Khaldi rammi taktak Babilon mi kha an lo hna.

1 SAMUEL 18:4

Cun Jonathan nih aa aihmi puan kha aa phoih i David kha a pek, a ralthuam le a vainam le a likuk le a taisawm zong.