ISAIAH 22:11 - Lai (Hakha) Common Language Bible 2006

¹¹ kulhnak vampang chungah khan tikhonnak inn nan sak i a hlunmi tidil in a rung luangmi ti kha nan khon. Sihmanhsehlaw hi thil vialte hlan piin a rak khangtu, hi thil a tluntertu Pathian cu zeihmanh ah nan rel lo.

ISAIAH 22:11 ပူးပေါင်းရင်းမြစ်များ

2 SIANGPAHRANG 20:20

Hezekiah tuahsernak a tang rihmi le a ṭhawnnak vialte le zeitindah tili le tidong kha a ser i khuapi chungah ti kha a luhter ti kha, Judah Siangpahrang hna Chanrelnak Cauk chungah an i ṭial lo mei?

2 SIANGPAHRANG 25:4

Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal.

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

NEHEMIAH 3:16

Amah a hun chang ah cun Azbuk fapa Nehemiah, Beth-zur peng hnarcheu a uktu nih khan, David thlan zawn tiang le serchommi tidil le miṭhawng hna inn tiang khan a remh.

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

ISAIAH 7:3

Bawipa nih Isaiah cu a thawh i, “Na fapa Shear Jashub kha i ṭhit law Siangpahrang Ahaz cu hung tong tuah u. Puan taktu pawl rianṭuannak hmun, cunglei tili in ti a rung luannak tidong a donghnak ah khan nan va hmuh lai.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

JEREMIAH 39:4

Judah siangpahrang Zedekiah nih a hmuh hna tikah, amah a cawngtu ralkap hna he cun an zam i zan ah siangpahrang dum lam khan, Vampang Pahnih Karlak timi kutka khan an le. Arabah leiah khan an zam,

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.