ISAIAH 22:1 - Lai (Hakha) Common Language Bible 2006

¹ Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

ISAIAH 22:1 ပူးပေါင်းရင်းမြစ်များ

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

2 SAMUEL 14:5

Cun siangpahrang nih, “Zeidah na harnak cu a si?” tiah a ti. Cun anih nih, “Cu ngai tak cu, nuhmei ka si i ka va a thi cang.

2 SIANGPAHRANG 6:28

Cun siangpahrang nih cun amah cu, “Na harnak cu zeidah a si?” tiah a hal. Anih nih, “Hi nu nih hin, ‘Na fa kha tho law nihin ah kan ei lai, cun thaizing ah kei ka fa kan ei lai,’ a ka ti.

SALM 114:5

Rili, zei nih dah an zamter? Jordan Tiva, zeicahdah luang loin na um?

SALM 125:2

Tlang nih Jerusalem khua kha an kulh bangin, Bawipa nih a mi cu a kulh hna, atu thawk in zungzal tiang a kulh hna.

PHUNGTHLÛKBIA 29:18

Pathian nih a hruai lomi miphun cu ningcang loin khua an sa. Pathian nawlbia a zulmi cu lunglawmmi an si.

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

ISAIAH 15:3

Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 32:32

Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih ṭhat lonak an tuahmi in ka thin an ka phawh cang.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

JOEL 3:12

Bawipa Biaceihnak Nelrawn ah cun ra hna seh; Khuazakip ah a ummi miphun vialte hna cu biaceih awkah Khika ah keimah cu biaceihnak ṭhutdan cungah ka ṭhu lai.

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

MIKAH 3:6

Ka mi hna cu a pingah nan hruai hna caah langhnak zeihmanh nan hmu ti lai lo i zeihmanh nan rak chimchung kho ti fawn lai lo. Profet hna, nan ni cu a dong dengmang cang; ni nih an liamtak dengmang cang hna.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

DEUTERONOMI 22:8

“Inn thar nan sak tikah nan inncung cu tlakdawn in nan kulh lai, cuka cun mi an tlak sual i nan inn cungah thisen chuah mawhnak cu nan tlunter sual nakhnga lo.

BIACEIHTU 18:23

Dan mi cu an hei auh hna i annih nih an hun i mer i Mikah cu, “Na zeidah a ti i mah bantuk mibu he khan na kan rathnawh?” an ti.

1 SAMUEL 11:5

Saul cu cawtum kha a hun zul hna i loin a hung tlung; cun Saul nih, “Mi hna hi an zeidah a ti i an ṭah?” tiah a ti. Cucaah Jabesh khuami hna thawngpang kha an chimh.

1 SAMUEL 3:1

Cun ngakchiapate Samuel cu Eli tangah Bawipa rian kha a ṭuan lengmang ko. Cun cu caan lioah cun Bawipa bia kha a tlawm ngaingai; langhnak kha a um set lo.