ISAIAH 21:5 - Lai (Hakha) Common Language Bible 2006

⁵ Langhnak ka hmuhmi ah cun, rawl danghnak nganpi an timh; sawmmi hna ṭhutnak ah puan kha an phah. An ei an ding. Cu lioah cun chikkhatte ah khin, “Bawi pawl, nan phaw i lak u,” ti thawng a hung thang.

ISAIAH 21:5 ပူးပေါင်းရင်းမြစ်များ

2 SAMUEL 1:21

Gilboa tlang hna, nan cungah ruah sur hlah seh, dap zong tla hna hlah seh lo ṭha zong um hna hlah seh; Zeicahtiah khika ah miṭhawng phaw cu thurhnawmh a si i Saul phaw cu chiti thuh ti loin a ril cang;

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

JEREMIAH 46:3

Phawpi le phawte he khan i tim u law ral doh awkah hmaiah fong u!

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”