ISAIAH 21:4 - Lai (Hakha) Common Language Bible 2006

⁴ Ka lung a mit, ka ṭih tuk ah a ther in ka ther. Zanlei cu phan cang ko seh ti ka duh hringhran, sihmanhsehlaw zei dang um loin thlalaunak lawnglawng a ka phorh.

ISAIAH 21:4 ပူးပေါင်းရင်းမြစ်များ

1 SIANGPAHRANG 1:49

Khi tikah Adonijah nih a sawmmi vialte hna cu an ther i an tho i anmah le an lam cio ah khan an kal.

ESTHER 5:12

Cun Haman nih cun, “Siangpahrangnu Esther hmanh nih amah hrimhrim nih a timhmi rawl danghnak ah keimah dah ti lo cu ahohmanh siangpahrang sinah a ratter hna lo. Cun thaizing zongah hin siangpahrang sinah keimah cu a ka sawm chih rih.

SALM 55:5

Ka ṭih tuk ah a ther in ka ther i ka luthlung in ka kechik tiang ka ther dih.

SALM 55:6

“Ṭhuro bangin thla cu ngei ning law ka zuang hnga i ka vaa din hnga!

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

DANIEL 5:1

Siangpahrang Belshazzar nih a bawi thong khat hna caah khan rawldanghnak a ser i thong khat hna he cun zu an ding.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

DANIEL 5:5

Cu tikah ruah lopi ah khin siangpahrang inn vampang si thuhmi, mei nih fiang bik in a ceuhmi hmun ah khin, minung kut bor pakhat a hung chuak i ca a hun ṭial zuaimai ko. Cu kutbor cu ca a hun ṭial lioah khan siangpahrang nih cun kutbor a kenglei kha a hmuh.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

DEUTERONOMI 28:67

Nan lung nih a ṭih laimi ṭihnung le nan mit nih a hmuh laimi thil hna ruangah cun zinglei ah, ‘Zanlei hei si seh law dah!’ nan ti lai i zanlei ah, ‘Zinglei hei si seh law dah!’ nan ti lai.

DEUTERONOMI 32:11

Mupi nih a bu kha a hninh i A fano kha a vun zuanhnawh hna i A thla a vun i samh i, a thla cungah a futter i A zuanpi hna bantukin, Bawipa nih khan a hruai hna;