ISAIAH 21:3 - Lai (Hakha) Common Language Bible 2006

³ Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

ISAIAH 21:3 ပူးပေါင်းရင်းမြစ်များ

SALM 48:6

Ṭihnak le lungretheihnak nih a tlaih hna i nau nganfah a ingmi nu bantukin an um.

ISAIAH 13:8

An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i ṭih lai i an hmai thi khal a chuak ciocio lai.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 16:11

Moab caah ngaihchia in ka hram i Kir Heres caah lungfak in ka ai.

ISAIAH 16:9

Sihmanhsehlaw atu cu Jazer ka ṭah bang khan Sibmah khua mitsur ruang cu ka ṭah ve hna. Heshbon le Elealeh caah ka mitthli a tla, zeicahtiah mi lawmhternak dingah kumvui zeihmanh a um lo.

ISAIAH 26:17

Nau ngan a fakmi nu nih a ai bantukin, nangmah nih na kan aiter, Bawipa,

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

JEREMIAH 6:24

Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

JOHAN 16:21

Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

DEUTERONOMI 28:67

Nan lung nih a ṭih laimi ṭihnung le nan mit nih a hmuh laimi thil hna ruangah cun zinglei ah, ‘Zanlei hei si seh law dah!’ nan ti lai i zanlei ah, ‘Zinglei hei si seh law dah!’ nan ti lai.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.