ISAIAH 21:2 - Lai (Hakha) Common Language Bible 2006

² Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 21:2 ပူးပေါင်းရင်းမြစ်များ

GENESIS 10:22

Shem fapale cu Elam, Asshur, Arpakshad, Lud le Aram an si.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

SALM 119:158

Khi mirawitu hna khi ka zoh hna tikah ka luak an chuak, zeicahtiah na nawlbia kha an zul duh lo.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 79:11

Thongtla pawl cu an aihramnak kha theihpiak ko sawh hna, thah awkin biakhiah cangmi cu a liannganmi na ṭhawnnak in luatter ko hna.

PHUNGTHLÛKBIA 13:15

Fimnak ṭha nih duhdawtnak a hlawh, Sihmanhsehlaw hlennak cu rawhralnak lei lam kalnak a si.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 14:4

Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang ṭhalopa cu a ril cang! Ahohmanh a hrem ṭhan kho ti hna lai lo.

ISAIAH 14:7

A donghnak ah atu cu vawlei nih hin a dihlak in dinhnak le daihnak a hmuh cang i a mi kip kha lunglawmhnak in hla an sa.

ISAIAH 22:6

Elam ram in a rami ralkap hna cu rang an rak i cit i li le thal he an ra. Kir ram in a rami ralkap hna cu an phaw kha timh cia tein an um.

ISAIAH 24:16

Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

JEREMIAH 25:25

Zimri, Elam le Media siangpahrang hna;

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 31:25

A bami cu ka hrimhter ṭhan hna lai i rawlṭam in thazang a tlawmmi cu rawl khim tein ka pek hna lai.

JEREMIAH 45:3

Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.

JEREMIAH 49:34

Judah siangpahrang Zedekiah a bawi hramthawk ah Elam kong i profet Jeremiah sinah Bawipa bia a rami:

JEREMIAH 49:35

Hi bangin Ralkapbu Bawipa nih, a ti: Zohhmanh, Elam likuk, an ṭhawnnak hriamnam ṭha bik cu ka khiah lai;

JEREMIAH 50:14

Li le thal a tlaimi vialte hna, Babilon cu a kulh in i tiang tuah u; Amah cu kap u, nan cantiang cu semrel hna hlah u,

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

ṬAHNAK HLA 1:22

Ṭhat lonak an tuahmi vialte cu na hmaika kha phan ko hna seh; Ka ṭhat lonak vialte ruangah nangmah nih na ka hrem bantukin Annih zong hrem ve ko hna; Zeicahtiah ka aihramnak cu a tam ko i Ka lung cu a tha a ba ko.

DANIEL 5:9

Siangpahrang Belshazzar cu hmai daang le zei chim awk hngal loin a ṭhu ko i a bawi hna cu khuaruahhar in an um.

DANIEL 8:2

Hi langhnak ka hmuhmi ah hin Ulai tiva kam kha ka hei cuan.

DANIEL 8:20

Ki pahnih a ngeimi tuukawng na hmuhmi kha Media le Persia hmuhsaknak a si,

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

1 SAMUEL 24:13

Hlanlio mi hna phungthluk ah, ‘Miṭhalo chungin ṭhat lonak a chuak,’ ti a si; sihmanhsehlaw ka kut nih cun an tu lai lo.