ISAIAH 21:1 - Lai (Hakha) Common Language Bible 2006

¹ Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 21:1 ပူးပေါင်းရင်းမြစ်များ

JOB 37:9

Thlanglei inndal chungin thlichia cu a ra i Chaklei thli nih kihnak kha a ratpi.

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 14:14

Khuadawm cungah khin ka kai lai i Cungnung Bik bantuk ka si lai na ti.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 17:1

Hi bia hi Damaskas kong bia a si. Bawipa nih aa thawh i, “Damaskas cu khua a si ti lai lo, thil rawk pon lawnglawng a si cang lai.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 5:28

An cantiang cu a har ngaingai i an likuk cu i kuai pengpung in an um. An rang cu an tin kha ṭeklung bantukin an hak, an rangleng kekual hna cu phuchim herh in an i herh.

JEREMIAH 51:1

Hi bangin Bawipa nih a ti: Zohhmanh, Babilon khua le Khaldi ram i a ummi hna ralchanhtu dingah hrawktu thlichia ka thawhter lai,

JEREMIAH 51:42

Rili nih Babilon cu a phum cang, A awn hluahmahmi tilet hna nih cun an khuh cang.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

EZEKIEL 1:4

Khua ka hei cuan i zohhmanh, chaklei in ṭotho pakhat a rung hran kha ka hmuh; cu ṭotho sinah cun khuadawm nganpi pakhat a um i cu khuadawm cu ceunak nih a kulh i a chungah cun dar bantukin a tleumi ceunak a um.

EZEKIEL 30:11

Miphun lak i a hrang bik, Amah le a mi hna nih cun ram cu an hrawh cikcek lai. Izipt cungah cun an vainam cu an i zuh lai i Ram chungah cun an thahmi hna cu an khat lai.

EZEKIEL 31:12

Thlachiat a ruat lo bikmi miphun, miphun dang nih khan an hau cang i an hlonh cang. Tlang cung kip le hor chung kip ah a nge sau pipi cu an ril liangluang ko hna i ram chung tiva vialte hna kamah khan a nge hna cu kiak reprup in an um ko. A thladem toi khan vawlei cung miphun vialte hna cu an chuak i annih nih amah cu an kaltak.

EZEKIEL 38:9

cun nang cu na ra lai i ṭotho bantukin na ra cutmat lai; cun nangmah le na ralkapbu vialte hna, mi tampi aa fonh ṭhupmi hna nih cun, ram cu khuadawm nih a khuh bantukin nan khuh lai.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.