ISAIAH 20:6 - Lai (Hakha) Common Language Bible 2006

⁶ Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

ISAIAH 20:6 ပူးပေါင်းရင်းမြစ်များ

JOB 22:30

Zeihmanh a sual lomi kha a chuah hna, Na kut a thian caah nangmah zong an chuah lai,” tiah a ti.

JOB 6:20

An rak i zumh caah khan an hnabei a dong, Cuka cu an phan i an lung a ar.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

JEREMIAH 30:1

Bawipa sinin Jeremiah sinah a rami bia.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

JEREMIAH 4:30

Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

JEREMIAH 47:4

Zeicahtiah Filistin mi vialte hna hrawhnak ni cu a phan cang i Khuavengtu ralkap an dih cikcek tiangin Tair le Sidon cu hrawh an si lai. Kaftor tikulh in a rami Filistin mi hna cu Bawipa nih a hrawh hna lai.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.