ISAIAH 20:5 - Lai (Hakha) Common Language Bible 2006

⁵ Ethiopia aa bochanmi le Izipt a um sawk tiah aa porhlawmi cu an ruahnak a khel ngaingai hna lai i vansang au in an um lai.

ISAIAH 20:5 ပူးပေါင်းရင်းမြစ်များ

2 SIANGPAHRANG 18:21

Zohhmanh, aa hngauhmi paoh an kut a rak chuntu hluang ṭhiangṭhunh per, Izipt naa bochan ko hih. Cu bantuk cu pei Izipt siangpahrang Faro cu amah aa bochanmi hna caah a si ko cu.

ISAIAH 2:22

Thih thiammi minung cu i bochan hna hlah u. Zeihmanh an ṭhathnem ṭung lo.

ISAIAH 30:3

Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.

ISAIAH 30:5

bochan awk a tlak lomi kha kan rak i bochan sual i a kan bawm kho ṭung lomi kha kan rak i hngatchan sual, ti in an i ngaihchih lai,” a ti.

ISAIAH 30:7

Izipt nih bawmhnak a pekmi hna cu santlailo a si. Cucaah Izipt cu ‘Ṭih awk tlak lo rulpi’ tiah min ka sak.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 36:6

Izipt nih a kan bawmh lai tiah nan i ruah ahcun, cucu phaikung ṭhiangṭhunh i i hman bantuk a si — phaikung cu ṭhiangṭhunh i hman ahcun a kiak i kut lam ah mi a chun. Izipt siangpahrang cu mi nih an i bochan tikah cu bantuk cu a si ko,” a ti.

ISAIAH 36:9

Assiria bawi lak i a hme bik hmanh tluk ṭung loin, Izipt nih rangleng le rangcung ralkap a kan kuat lai, nan hei ti.

ISAIAH 37:9

Izipt ralkapbu Ethiopia siangpahrang Tirhakah nih a hruimi hna kha Assiria ralkap doh awkah cun an i thawh cang ti kha Assiria mi nih cun an theih. Cu bia cu Assiria siangpahrang nih khan a theih tikah Judah siangpahrang Hezekiah kha ca a kuat i,

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

JEREMIAH 46:25

Thebes khua pathian Ammon cu dan ka tat lai, Izipt cu a pathian hna le a bawi hna he khan dan ka tat lai; Faro le amah aa bochanmi vialte hna kha dan ka tat hna lai.

EZEKIEL 29:16

Israel mi hna caah i bochan awk tlak an si ti lai lo; sihmanhsehlaw i bochan awkah an rak merhnawh hna ruang i an sualnak a langhtertu a si lai. Cun Bawipa Pathian ka si kha an hngalh lai, a ti.

NAHUM 3:9

Kush le Izipt kha a thazang an si i a thazang cu dongh a hngal lo, Put le Libia nih bawmhnak kha an pek.

ZEFANIAH 2:12

Nannih Kush mi zong, Bawipa vainam in thah nan si lai.

1 KORIN 3:21

Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih: