ISAIAH 20:4 - Lai (Hakha) Common Language Bible 2006

⁴ Hi ram pahnih hna chung mi a tlaihmi sal hna cu Assiria siangpahrang nih taklawng in a kalpi hna lai. Tar thlu lo, no thlu loin, ke lawng le taklawng in an kal lai i an chiaṭha zong kha a lang lai; cuticun Izipt ram cungah ningzahnak a tlunter lai.

ISAIAH 20:4 ပူးပေါင်းရင်းမြစ်များ

2 SAMUEL 10:4

Cucaah Hanun nih David sinum hna cu a lak hna i an khahmul a hnarcheu cio a meh hna i an khelbo zawn ah an puan cu a laifang in a tan hna i a kalter hna.

1 CHANRELNAK 19:4

Cucaah Hanun nih David sinum hna cu an khahmul a meh hna i an khelbo zawn ah an puan cu a laifang in a tan hna i a kalter hna i an kal.

ISAIAH 19:4

Izipt mi cu a puar ngaingaimi uktu siangpahrang kut chungah ka pek hna lai i a uk hna lai Bawipa Ralkapbu Bawipa nih hi bia cu ka chim,” a ti.

ISAIAH 3:17

Sihmanhsehlaw dan ka tat cang hna lai — an lu ka meh hna lai i lu kawng in ka chiah hna lai,” a ti.

ISAIAH 31:2

A tuahmi cu zeidah a si ti kha a hngalh. Rawhnak kha a tlunter. Miṭhalo cu dan ka tat hna lai i a hupphengtu hna zong ka tat ve hna lai tiah a rak chimmi kha a chim bangin a tlinter taktak.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

ISAIAH 47:2

Facang rialnak lung kha mer ko kun, changvut kha rial ko kun. Na hmai khuhnak puan kha i phawih law na thil thuam ṭhaṭha kha i phawih hna.

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

JEREMIAH 13:22

“Zeicahdah mah thil hi ka cungah a tlun hnga?” tiah na ti ahcun, Na sualnak a tam ruangah na hni cu phoih na si i Na ke cu langhter an si.

JEREMIAH 13:26

Cucaah keimah hrimhrim nih nan hni kha kan phoih hna i Nan ningzahnak kha ka langhter.

JEREMIAH 46:19

Saltang dingin nan thil i tim u, Maw Izipt ram mi hna! Zeicahtiah Memfis hi pakpalawng ah a cang lai i a chungah ahohmanh um loin a ṭiao lai.

JEREMIAH 46:26

Annih cu anmah hrawh aa tim hrimhrimmi Babilon siangpahrang Nebukhadnezzar le a ralkap hna kut chungah ka chanh hna lai; Sihmanhsehlaw hmailei caan ah cun ram cu hlan bantukin mi an um ṭhan lai, tiah Ralkapbu Bawipa nih a ti.

EZEKIEL 30:18

Tahpanhes ah, Izipt seihnam cu ka chiah tikah, Khika ah chun ceu cu a mui lai; Khi tikah aa uanthlarmi a ṭhawnnak cu tei a si lai; Minmei nih a zelh lai i a fanu hna cu sal ah an taang lai.

AMOS 9:7

Israel mi hna, nannih cu ka caah Kush mi bantuk nan si lo maw? Israel mi cu Izipt ram in, Filistin mi cu Kaftor ram in, Aramean mi hna cu Kir ram in ka hunpi hna lo maw?

MIKAH 1:11

Shafir khua i a ummi hna kal tuah u; Zaanan khua i a ummi hna cu ningzak in an khua chungin an chuak cang lo maw? Beth-ezel cu ṭahnak khua a si, amah nih cun bawmhnak zeihmanh an pe kho ti hna lai lo.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

ZEFANIAH 2:12

Nannih Kush mi zong, Bawipa vainam in thah nan si lai.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.